Díli, 01/07/2024. Prezidente Komsiaun Ezekutiva (KE) Bee Timor-Leste, Empreza Públika (BTL, E.P), Eng. Carlos Pelois dos Reis, akompaña hosi Vise-Prezidente KE BTL, E.P ba Asuntu Sistema Bee, Saneamentu no Drenajen, Sr. Gustavo da Cruz, partisipa iha enkontru.
Enkontru ne’e, hodi ko’alia kona-bá matéria ou formatu ne’ebé envia hosi Prezidénsia Konsellu Ministru (PCM, sigla portugés) no oinsá atu preenxe atinjimentu sira durante tinan ida nian ba formatu ne’e.
“Enkontru ohin ne’e, atu haree kona-bá relatóriu ou matéria governasaun (IX governu nian), ba halo ezersísiu altu nível nian. ne’e katak programa IX governu nian, agora to’o ona tinan ida, ohin tinan ida ona. Entaun PCM haruka tabela ida ne’e mai para setór sira atu prienxe atinjimentu durante tinan ida ne’e ba IX governu nian ne’e to’o ona iha ne’ebé. Ida ne’e mak ohin, Ministériu Obras Públikas (MOP), lihosi Diresaun-Jerál Orsamentu no Finansas konvida setór sira hodi partisipa iha reuniaun ne’e, atu nune’e bele haree no akompaña esplikasaun kona-bá oinsá atu preenxe matrix, nune’e setór ida-idak bele submete ba Ministériu no Ministériu bele elabora atu submete fila-fali ba PCM”, dehan Vise-Prezidente KE BTL, E.P
Iha biban ne’e, Diretór-Jerál DAF informa mos ba Diresaun hotu-hotu inklui Empreza rua no Institutu, kona-bá relatóriu trimestre daruak nian nomos preparasaun planu Orsamentu Jerál Estadu (OJE) tinan 2025 nian, nune’e bele submete ba Ministériu hodi halo diskusaun.
Fahe ba Sosial Media:
