CRIA A EMPRESA PĂBLICA BEE TIMOR-LESTE E APROVA OS RESPETIVOS ESTATUTOS
Introdusaun
Bee Timor Leste, Empreza Públika (tuir mai temi nu’udar “BTL, E.P.”) nu'udar pesoa koletiva ho direitu públiku ne’ebé mak integra ba Administrasaun Indireta Estadu nian hanesan Empreza Públika, ne’ebé adkire personalidade jurídika, kapasidade jurídika, kapasidade judisiária, autonomia administrativa, autonomia finanseira no patrimóniu própriu (artigu 1.o husi Estatutu BTL, E.P.). Reforma Institusional husi Direção Geral de Água e Saneamento (DGAS) ba iha BTL, E.P. ne’e liu husi polítika Governu ne’ebé mak integra iha Planu Estratéjiku Dezenvolvimentu 2011-2030, ho obejetivu atu estabelese no fornese sistema abastesimentu bee mos ba ema hotu ho ekuitativu, nune’e, ikus mai VIII Governu deside hodi kria BTL, E.P. ne’ebé maka aprova husi Dekretu-Lei N.u 41/2020, 25 Setembru.
B. Vizaun, Misaun no Valor
1. Vizaun
- Apoiu Governu iha difinisaun polítika abastesimentu bee no saneamentu;
- Apoiu Governu iha kaptasaun Rekursu Finanseiru;
- Promove kualker atividade industrial, komersial, investigasaun no prestasaun servisu ne’ebé mak fó importánsia ba siklu bee nian iha teritóriu nasionál;
- Garante distribuisaun bee ba populasaun tomak iha teritóriu laran tomak.
2. Misaun
- Aumenta asesu universal no ekuitativu ba servisu bee moos no saneamentu ba populasaun iha teritóriu laran tomak;
- Mantein servisu regular, kontínuo no efisiente ba abastesimentu bee no saneamentu;
- Promove servisu bee no saneamentu asesível ne’ebé maka kontribui ba dezenvolvimentu ekonómiku, sosiál, ambiental no teknolójiku.
- Mellora saúde públika liu husi promove dezenvolvimentu industrial, komersial no peskiza.
3. Valor
- Integridade: Ami lidera hodi hatudu ezemplu ne’ebé maka di’ak, iha komitmentu no onestu hodi hala’o ami nia servisu.
- Respeitu: Ami sempre suporta malu, respeita ideia no kultura idak-idak nian, koñesimentu no abilidade ida-idak nian.
- Importánsia ba ema: bainhira hala’o servisu ami sei tau importánsia ba seguru no seguransa ba ami nia kliente, konsumidor no ami nia ekipa sira.
- Korajen: Iha ami nia ezekusaun servisu, ami sei halo mudansa hodi mellora nível servisu no ami sei hasoru risku ka dezafiu ho dilijénsia no matenek.
- Konfiansa: Ami nia kliente no konsumidor sira nia konfiansa mak sai hanesan parte importante ida mai ami hodi dezempeña ami nia funsaun. Sira nia konfiansa mak sei sai hanesan sinal ida ba ami nia dezempeñu servisu. Nune’e, servisu ne’ebé maka ami realiza sempre ho kapasidade másimu, fornese informasaun ne’ebé maka loos, responde ba kliente sira nia reklamasaun ho tempu lalais no fornese mellor kualidade servisu hodi bele hetan konsumidor sira nia konfiansa.
Obrigado Barak;
Departamento ao Apoio Juridico-BTL,E.P
Fahe ba Sosial Media:
