BTL ,E.P

Frequently Asked Questions (FAQ)

Informasaun Geral

Questions
Oinsá hau bele kontaktu servisu kliente nian ba utilidade bee nian? Oinsá hau bele kontaktu servisu kliente nian ba utilidade bee nian? Ita-boot bele kontaktu ami nia atendimentu ba kliente liuhosi telefone, email [costumerservice@btl.tl], ka liuhosi vizita ami nia eskritóriu. Ami nia kontaktu sira ba: Dili : Balkaun Caicoli [Númeru Telefone] [Enderesu Eskritóriu]; Balkaun Comoro [Númeru Telefone] [Enderesu Eskritóriu]; Balkaun Culuhun [Númeru Telefone] [Enderesu Eskritóriu]; Balkaun Colmera [Númeru Telefone] no [Enderesu Eskritóriu]; Aileu: [Númeru Telefone], [Rua Dom Baumeta, Aisirimou, Aileu]; Ainaro:[Númeru Telefone] [Rua Venancio Ferras Ainaro, Suco Ainaro, PA Ainaro]; Baucau:[Númeru Telefone] [Rua Tualeku, Bahú, Baucau]; Bobonaro: [[Númeru Telefone] [Rua Maleana, Aldeia Aculaka, Suco Lahomea-Maliana]; Covalima: [Númeru Telefone] [Rua Sukaer Ren,Aldeia Tabaco Lot,Suco Debos, Posto P.A Suai]; Ermera: [Númeru Telefone] [Campo Democracia Gleno,Ermera]; Lautem:[Númeru Telefone] [Rua 30 de Agosto, Fuiloro, Lospalos]; Liquica: [Númeru Telefone] [Rua 11 de Outobro de 2016, Travesa Maubara, Aldeia Nartutu, Suco Maumeta, PA Bazartete]; Manatuto: [Númeru Telefone] [Aiteas Hahi Rain]; Manufahi: [[Númeru Telefone] [Av. Francisco Xavier, Nunlau,Manufahi-Same]; Viqueque:[Númeru Telefone] [Rua Beloi Caraubalo, travesa rua wekeke, aldeia Mamulac Suco Caraubalo, PA Viqueque];
Aktividades saida deit mak BTL fornece? Aktividades saida deit mak BTL fornece? BTL fornece aktividades sira hanesan, ligasaun beemos, enxe kareta tanke beemos privadu, 4m³-10m³, kareta tanke beemos BTL, 5m³-8m³, kareta tanke beefoer privadu, 4m³-10m³, kareta tanke beefoeer BTL, 5m³.
Kareta tanke beemos BTL no privadu nee ami sosa kupon iha ne’ebe? kareta tanke beefoer BTL no privadu nee ami sosa kupon iha ne’ebe? No selu hira? Kareta tanke beemos BTL no privadu nee ami sosa kupon iha ne’ebe? kareta tanke beefoer BTL no privadu nee ami sosa kupon iha ne’ebe? No selu hira? kareta tanke beemos BTL no privadu bele sosa kupon iha balkaun atendimentu kliente Comoro, Rua Fomento, 150 m husi Restorante MasBro. Kareta tanke beefoer BTL no privadu bele sosa kupon iha balkaun atendimentu kliente Colmera, Rua São Sebastião, hateke malu ho.
Sa oras maka serbisu husi utilidade bee nian? Sa oras maka serbisu husi utilidade bee nian? Ami nia oras servisu nian maka Segunda to'o Sesta-Feira, husi tuku 8:00 dadeer to'o tuku 5:30 lokraik. Horas deskansa 12h00 too 13h30
Tanba sa hau tenke ba selu bee iha office BTL? Tanba sa hau tenke ba selu bee iha office BTL? Dadaunn ne’e kliente hotu so bele halo pagamentu ba qualquer tarifa iha balkaun atendimentu kliente ou bele mos halo transferencia bankaria ba konta BTL.
Hau hakarak selu tarifa beemos ou aktividades seluk (ligasaun foun, tanke beemos, tanke supa sentina, etc.) iha uma deit, bele ka lae? Hau hakarak selu tarifa beemos ou aktividades seluk (ligasaun foun, tanke beemos, tanke supa sentina, etc.) iha uma deit, bele ka lae? BTL sei laautoriza qulaquer pessoal ba rekolla reseitas iha terenu wainhira laiha rekonhecimentu ruma husi superior hirarquiku BTL no autoridade lokal, liu husi apresenta karta deklarasaun ruma no uza atributu BTL hanesan farda no kartaun.
Iha funcionariu BTL ne’ebe mai bebeik rekolla osan iha ami nia uma, uza kartaun no farda? Iha funcionariu BTL ne’ebe mai bebeik rekolla osan iha ami nia uma, uza kartaun no farda? Karik funcionario BTL ne’ebe apresenta karta deklarasaun ruma no uza atributu BTL hanesan farda no kartaun ne’ebe rekolla reseitas iha terenu sempre hetan aprovasaun husi autoridade lokal no superior hirrquiku BTL, karik kliente balun deskonfia bele hasai foto ou funcionario nia ID no bele hato ita nia keixa mai balkaun atendimentu tuir municipio idak-idak
Hau nia bee hemu mai hosi ne'ebé? Hau nia bee hemu mai hosi ne'ebé? Iha Dili, sistema fornesimentu bee depende ba fonte primária rua: bee-rai-okos no bee-rai-leten. Maizumenus 70% hosi sidade nia bee mai hosi bee-rai-okos, enkuantu restu 30% mai hosi bee iha rai-leten. Bee superfísie mai hosi mota Benamauk, Maloa, no Tohumeta. Be’e dada husi be’e matan ne’e depois halo tratamentu iha fatin tratamentu be’e 3 hanesan WTP Benamauk, WTP Central, no WTP Bemos molok hala’o viajen liu husi kanalizasaun publiku ba ita nia uma ka eskritóriu.
Lei no regulamentu ida ne’ebe mak koalia konaba procesu distribuisaun beemos, tratamentu beemos, pagamentu beemos? Lei no regulamentu ida ne’ebe mak koalia konaba procesu distribuisaun beemos, tratamentu beemos, pagamentu beemos? Decreto Lei Nú 41/2020 de 25 Setembro “Kriasaun Be’e Timor-Leste, Empreza Publika” no aprova Estatuto BTL, E.P. Reforma Institusional husi Direção Geral de Água e Saneamento (DGAS) ba iha BTL, E.P. ; Decreto Lei Nú. 4/2004 de 11 de Fevereiro konaba Aprova Regime Fahe Be’e Ba Publiku; Decreto Lei 31/2020 de 26 de Agusto konaba Controlo da Qualidade da Agua para o Consumo Humano; Diploma Ministeriál Nú. 1/2004 de 11 de Fevereiro konaba Tabela Tarifária, no Diploma Ministeriál Nú. 1/2009 de 5 de Outubro konaba Fiskalizasaun Ba Sistema Fahe Be’e nian.
Tanba sa mak BTL la direita lori invoice kada fulan mai ami? Tanba sa mak BTL la direita lori invoice kada fulan mai ami? Dadaun ne’e BTL iha prosesu pesquisa no koperasaun hela ho operador telekomunikasaun sira atu bele haruka fatura bee ba kliente idak-idak kada fulan liu husi SMS ou email. Maibe kliente ne’ebe hakarak simu nia fatura kada fulan bele informa ba oficial sira iha balkaun atu rejistu no lori fatura ba ita nia hela fatin kada fulan ou haruka ba ita nia email

Faturasaun Pagamentu Sira

Questions
Tanba saida ha'u tenke selu Tarifa bee moos? Tanba saida ha'u tenke selu Tarifa bee moos? Sidadaun hotu-hotu ne'ebe asesu ka hetan ona direito ba bee moos liu husi kanalizasaun publika, iha dever tenke kontribui ba estadu liu husi selu tarifa bee moos, atu nune'e hodi bele garantia sustentabilidade bee moos iha futuru ne’ebe hakerek ona iha (Artigo 4.o No. 2,b; Artigo 12, No. 2), abrigu Decreito Lei N°. 4/2004 de 11 de Fevereiro;
Hau hakarak selu tarifa ka fulan 6, ne possible ka ? Hau hakarak selu tarifa ka fulan 6, ne possible ka ? LABELE. Kliente hotu so bele selu nia tarifa beemos enkuantu nia uza ona no sei selu tuir numeru leitura metru kontador kada fulan ou ba kliente ne’ebe laiha metru kontador sei selu tarifa fixu kada fulan ne’ebe determina iha municipio idak-idak.
Oinsá maka kalkula ha'u nia konta bee nian? Oinsá maka kalkula ha'u nia konta bee nian? Ita-boot nia konta bee nian kalkula bazeia ba kuantidade bee ne'ebé ita-boot uza, sukat iha metru kúbiku, no taxa aplikavel kada metru kúbiku. Taxa sira ba limpeza uma nian: Konsumu/gastu to'o litru sira : 14 m³= $ 0.20 Konsumu/gastu kada litru : 14 m³= $ 0.40 Konsumu/gastu : 14 m³ x $ 0.20 = $ 2.80 1 m³ x $0.40 = $0.40 Total : 15 m³=$ 3.20 Tarifa jerál (negósiu): Gasta to'o litru balun sei kobra ba $ 0.60
Hau precisa lori dokumentu ruma wainhira selu tarifa beemos? Hau precisa lori dokumentu ruma wainhira selu tarifa beemos? SIM, molok halo pagamentu kliente precisa hatudu uluk nia ficha leitura ou fixa rejistu metru kontador hodi bele sai komprovativu ne’ebe bele identifika iha rejistu base dadus kliente.
Métodu pagamentu saida maka disponivel? Métodu pagamentu saida maka disponivel? Ita-boot bele selu ita-boot nia konta bee nian liuhosi transferénsia bankária, iha ami nia eskritóriu, ka iha sentru pagamentu autorizadu sira. Transferénsia Bankária : Conta Bancaria Naran Bancu : Bancu Nacional Timor Leste (BNCTL) Naran Conta : BEE TIMOR-LESTE (BTL, E.P.) Numeru Conta : 02100223235281 Numeru IBAN : TL380040210022323528125 Kódigu Vendedór : VK0499 Diresaun : Avenida 20 de Maio Caicoli Dili Timor Leste Postal No. 194, Telp 3311539 Iha ami nia eskritóriu, ka iha sentru pagamentu autorizadu sira
Hau selu ona hau nia tarifa beemos liu husi transferensia bankaria. Hau precisa hatudu hau nia recibu transferencia ba BTL ka lae? Hau selu ona hau nia tarifa beemos liu husi transferensia bankaria. Hau precisa hatudu hau nia recibu transferencia ba BTL ka lae? SIM, kliente ne’ebe halo pagamentu tarifa beemos liu husi transferensia bankaria precisa hatudu ninia recibu ba oficial faturamentu iha kada balkaun hodi bele registu iha sistema faturamentu beemos
Saida mak hau bele halo, wainhira hau lakumpri hau nia dever hodi selu tarifa beemos liu ona fulan barak? Saida mak hau bele halo, wainhira hau lakumpri hau nia dever hodi selu tarifa beemos liu ona fulan barak? Se ita la konsege selu ita-nia fatura bee tuir tempu, ita-boot iha responsabilidade atu kontaktu BTL nia servisu apoiu kliente lalais hodi halo planu ba pagamentu. Karik laiha kontaktu ruma, liu fulan tolu, BTL sei fo karta notifikasaun no iha loron 10 nia laran kliente tenke hakat mai balkaun hodi selu tarifa beemos. Durante periodu hirak ne’e, karik kliente la kumpri ninia dever mak BTL iha dereitu no sei hakotu nia ligasaun beemos no aplika multa haktuir (Artigo14.o No. 1,b), abrigu Decreito Lei N°. 4/2004 de 11 de Fevereiro.
Bainhira kualidade bee sai ladi'ak (morin, turbididade aas, gostu ladi'ak), kliente tenke selu tarifa bee nian? Bainhira kualidade bee sai ladi'ak (morin, turbididade aas, gostu ladi'ak), kliente tenke selu tarifa bee nian? Kliente hotu sei halo pagamentu bazeia ba numeru leitura metru kontador ne’ebe hatur ona iha Decreito Lei N°. 4/2004 de 11 de Fevereiro no Diploma Ministerial N°. 1/2004 de 11 de Fevereiro. Ami rekomenda atu kliente identifika problema hirak ne’e, primeira asaun mak desliga hela stop cram metru kontador hodi prevene potensial no afeitasaun husi konsumu bee, no depois bele hato ita nia keixa mai balkaun atendimentu tuir municipio idak-idak no iha Dili (balkaun Caicoli). asistencia imediatu kontaktu ba DCQA Departamentu Controlo Qualidade Ambiente ho numeru telemovel +67078442115/78012571/ 76390391/ ami nia staf sira sei atende hodi suporta ita boot.
Bainhira presaun bee nian sai ki'ik, kliente tenke selu tarifa bee nian? Bainhira presaun bee nian sai ki'ik, kliente tenke selu tarifa bee nian? Kliente hotu sei halo pagamentu bazeia ba numeru leitura metru kontador. Ami rekomenda atu kliente identifika problema hirak ne’e, bele hato ita nia keixa mai balkaun atendimentu tuir municipio idak-idak no iha Dili (balkaun Caicoli).
To'o bainhira maka hau tenke selu hau nia konta bee nian? To'o bainhira maka hau tenke selu hau nia konta bee nian? Ita bele paga ita nia tarifa beemos kada fulan iha balkaun ne’ebe ita hela besik ba depois leitor metru kontador halo ona leitura iha ita nia hela fatin. Ou bele mos halo pagamentu ba fatura sira ne’ebe pendente ka atraza durante horas servisu.
BTL simu pagamentu tarde ka lae? Loron hira mak BTL simu pagamentu tarde? Iha taxa adisionál ruma ba pagamentu ne'ebé tarde? BTL simu pagamentu tarde ka lae? Loron hira mak BTL simu pagamentu tarde? Iha taxa adisionál ruma ba pagamentu ne'ebé tarde? SIM, ami simu pagamentu ne’ebe atrazu ka pendente. Fatura ne’ebe pendente ka atraza labele liu fulan 3 tamba sei hetan karta notifikasaun. No karta refere durante periodu loron 10, karik kliente la kumpri ninia dever mak sei hakotu nia ligasaun beemos no aplika multa haktuir (Artigo14.o No. 1,b), abrigu Decreito Lei N°. 4/2004 de 11 de Fevereiro.
Tinan hira liubá ha'u tenke selu konta sira ne'ebé seidauk selu? Tinan hira liubá ha'u tenke selu konta sira ne'ebé seidauk selu? Primeiru kliente kontinua selu nia pagamentu fulan atual nian. Segundo, kliente ne’ebe iha fatura atraza tinan barak seidauk halo pagamentu, bele hakat ba balkaun atendimentu tuir municipio idak-idak no iha Dili (balkaun Caicoli) hodi bele halo plano pagamentu tuir k’bit kliente idak-idak nian. Wainhira establese ona plano refere kliente tenke kumpri nia obrigasaun ate termina nia pagamentu atrazu sira.
Hau sosa uma ne'e tinan "rua" liubá. Se BTL iha konta balun ne'ebé seidauk selu ba na'in anteriór sira, na'in atuál tenke selu konta sira ne'ebé seidauk selu? Hau sosa uma ne'e tinan "rua" liubá. Se BTL iha konta balun ne'ebé seidauk selu ba na'in anteriór sira, na'in atuál tenke selu konta sira ne'ebé seidauk selu? SIM, kontinua selu faturamentu ne’ebe uma-nain anterior husik hela. Tamba ne’e BTL sujere atu ba sidaun hotu ne’ebe sosa uma husi qualquer sidadaun ne’ebe fan uma ka rai no iha instalasaun metru kontador propriedade BTL nian, favor komunika ho nain propriedade refere ou bele mos komunika ho atendimentu kliente BTL antesipadamente molok sosa propriedade hirak ne’e hodi evita pagamentu ne’ebe laos ita nia obrigasaun.
Hau selu ona tarifa bee moos oinsa ho sira seluk ne'ebe la mai selu tarifa bee moos ? Ex: Hau nia Vizinu sira ne'ebe nunka selu tarifa bee moos, medida saida mak ita boot sira sei foti hasoru sira? Hau selu ona tarifa bee moos oinsa ho sira seluk ne'ebe la mai selu tarifa bee moos ? Ex: Hau nia Vizinu sira ne'ebe nunka selu tarifa bee moos, medida saida mak ita boot sira sei foti hasoru sira? Kliente hotu-hotu iha dever atu selu tarifa beemos ne’ebe hatur ona iha Decreito Lei N°. 4/2004 de 11 de Fevereiro no Diploma Ministerial N°. 1/2004 de 11 de Fevereiro. Ba kliente hirak ne’ebe nunka selu tarifa beemos, BTL sei fo notifikasaun durante periudo loron 10 nia laran kliente tenke hakat mai balkaun hodi selu tarifa beemos. Durante periodu hirak ne’e, karik kliente la kumpri ninia dever mak sei hakotu nia ligasaun beemos no aplika multa haktuir (Artigo14.o No. 1,b), abrigu Decreito Lei N°. 4/2004 de 11 de Fevereiro.
Tanba saida mak tarifa bee moos ami selu folin karun los? Tanba saida mak tarifa bee moos ami selu folin karun los? Kliente hotu sei selu tarifa beemos tuir sira nia gastus (m³). No tuir tipu kliente ne’ebe hatur ona iha Decreito Lei N°. 4/2004 de 11 de Fevereiro no Diploma Ministerial N°. 1/2004 de 11 de Fevereiro.
BTL iha ona sistema pagamentu online? BTL iha ona sistema pagamentu online? SEIDAUK, maibe dadaun ne’e BTL iha hela procesa pesquisa no konsultasaun ho operador telekomunikasaun sira. Ami sei fo sai avisu ba publiku karik kliente hotu bele prosesa pagamentu liu husi sistema pagamentu online (e-payment).

Penalidades

Questions
tamba sa mak susupende ami nia ligasaun beemos? tamba sa mak susupende ami nia ligasaun beemos? Tamba imkumprimenta ou komete kontra ordinariu sira ba regras ne’ebe define ona iha Dekretu-Lei Nú. 4/2004 husi fulan-Fevreiru loron 11: • La selu taxa ligasaun ka taxa rekoneksaun, tuir Artigu 14, Nú. 1, a); • La selu taxa servisu bee, tuir Artigu 14, Nú. 1, b); • Interfere ka estraga ligasaun fasilidade sistéma fornecimentu bee nian, inklui kualkér metru bee nian no kualkér parte husi sistema abastesimentu bee nian, tuir Artigu 14, Nú. 1, c): • Halo ligasaun ba sistéma fornecimentu bee ne’ebé la ho autorizasaun husi Servisu Bee no Saneamentu / BTL, E.P., tuir Artigu 14, Nú. 1, d): • La kumpre rekizitu tékniku no instrusaun husi Servisu Bee no Saneamentu./ BTL, E.P., tuir Artigu 14, Nú. 1, e).
Durante ami hetan suspensaun ne’e sei aplika koima ruma ka? No selu multa ruma karik hira? Durante ami hetan suspensaun ne’e sei aplika koima ruma ka? No selu multa ruma karik hira? SIM, wainhira metru kontador lakon, ou sobu rahun ou baku rahun. Kliente iha dever atu selu fali kustu ligasaun foun ne’ebe hakerek ona iha (Artigo14.o No. 1,c), abrigu Decreito Lei N°. 4/2004 de 11 de Fevereiro; LAE, wainhira kliente nia metru kontador no ID registu ona iha sistema base dadus kliente BTL, E.P. no metru kontador kontinua existe iha nia fatin ho kondisaun lasobu rahun ou namkari;

Metru Kontador

Questions
Regualarmente Dala hira maka lee ha'u nia kontadór bee nian? Regualarmente Dala hira maka lee ha'u nia kontadór bee nian? Ita-boot nia kontadór bee nian normalmente lee dala ida iha fulan ida. Oráriu loloos bele varia bazeia ba ita-boot nia fatin
Hau bele lee rasik hau nia metru kontador (prenxe iha ficha leitura) no procesa pgamentu kada fulan? Hau bele lee rasik hau nia metru kontador (prenxe iha ficha leitura) no procesa pgamentu kada fulan? SIM, kliente ne’ebe halo rasik nia leitura BTL bele simu no procesa pagamentu naran katak hasai foto leitura ikus metru kontador ne’ebe hatudu oras no data leitura, inklui apresenta fixa leitura kliente.
Saida maka hau tenke halo se hau nia kontadór bee nian la funsiona ho di'ak? Saida maka hau tenke halo se hau nia kontadór bee nian la funsiona ho di'ak? Se ita-boot deskonfia katak ita-boot nia kontadór bee nian la funsiona ho loloos, favór kontaktu ami nia atendimentu kliente nian hodi marka inspesaun ida. No Bandu Kliente ka labele sobu rasik metru kontador tamba nudar aktu kontraordinariu/violasaun ba regras no sei kona multa tuir (Artigo14.o No. 1,c), abrigu Decreito Lei N°. 4/2004 de 11 de Fevereiro.
Hau lakon hau nia kontadór bee nian. Saida maka hau tenke halo? Hau lakon hau nia kontadór bee nian. Saida maka hau tenke halo? Se ita-boot lakon ita-boot nia kontadór bee nian, favór ida relata kedas ba ami nia servisu kliente nian. Sei instala kontadór substituisaun, no bele aplika pagamentu ba substituisaun/troka metro kontador bazeia ba Dekreitu Lei N°. 4/2004 de 11 de Fevereiro no Diploma Ministerial N°. 1/2004 de 11 de Fevereiro.
Kliente simu ona bee husi DGAS nia tempu, maibé nia lakon bee metru. Kliente tenke selu fali taxa rejistu ba instalasaun bee metru foun? Kliente simu ona bee husi DGAS nia tempu, maibé nia lakon bee metru. Kliente tenke selu fali taxa rejistu ba instalasaun bee metru foun? SIM, wainhira metru kontador lakon, ou sobu rahun ou baku rahun. Kliente iha dever atu selu fali kustu ligasaun foun ne’ebe hakerek ona iha (Artigo14.o No. 1,c), abrigu Decreito Lei N°. 4/2004 de 11 de Fevereiro; LAE, wainhira kliente nia metru kontador no ID registu ona iha sistema base dadus kliente BTL, E.P. no metru kontador kontinua existe iha nia fatin ho kondisaun lasobu rahun ou namkari;

Servisu Bee Mos

Questions
Oinsá hau aplika ba ligasaun bee foun? Oinsá hau aplika ba ligasaun bee foun? Atu aplika ba ligasaun bee foun, vizita ami nia eskritóriu no prenxe formuláriu aplikasaun. Ita-boot sei presiza fornese identifikasaun (hanesan kartaun eleitoral ou billete identidade (fen no lain, karik estadu kasadu), passaporte (ba sidaun estrangeiru), prova property ownership, no selu taxa sira ne'ebé aplikavel, Tarifa ba ligasaun foun nia kustu varia tuir tipu kliente.
Saida maka hau tenke halo se hau hetan bee-mate? Saida maka hau tenke halo se hau hetan bee-mate? Se ita-boot hetan bee-mate, uluknanai verifika se ita-boot nia viziñu sira mós afetadu. Se nune'e, ida-ne'e bele sai kestaun ida ne'ebé luan liu. Bele liga baa mi nia linha emergencia 8002000 ou bele mos hakat mai ami nia balkaun Caicoli (Av. Mercadu Municipal) hodi hato keixa.
Oinsá hau bele verifika se iha interupsaun servisu bee nian ne'ebé planeadu iha ha'u nia área? Oinsá hau bele verifika se iha interupsaun servisu bee nian ne'ebé planeadu iha ha'u nia área? Interupsaun servisu ne'ebé planeadu normalmente publika iha ami nia pájina Facebook hodi hetan informasaun relevante ba area idak idak.
Hau uja sanyo (makina bomba bee elektrika) atu bele hetan bee, tanba sa ida ne'e proibidu? Hau uja sanyo (makina bomba bee elektrika) atu bele hetan bee, tanba sa ida ne'e proibidu? SIM, uza sanyo ka bomba elektrika liga direta ba metru kontador ne’e proibidu. Aktu ida ne’e sei aplika coima tuir (Artigo 27.o No.1,e), abrigu Decreito Lei N°. 4/2004 de 11 de Fevereiro. Alende ne’e, kliente ne’ebe uza bomba elektrika impede atu kliente vizinho sira labele hetan bee ho presaun normal. Ami sujere atu kliente hotu bele uza sanyo liu husi liga ba posu ka tanke bee ne’ebe simu bee husi metru kontador.
tamba sa bee la mai loron-loron? No latuir oras? Hau labele hetan bee tamba loron ami ba servisu? tamba sa bee la mai loron-loron? No latuir oras? Hau labele hetan bee tamba loron ami ba servisu? Distribuisaun beemos iha fatin balun latuir oras no loron tamba depende ba volume ne’ebe foti husi bee matan (intake) ou perfurasaun (rai okos) ninia kapasidade. Alende ne’e bele mos bailoron naruk kauza volume bee menus, ou bele mos ligasaun ilegal ne’ebe halo husi ema deskoncidu sira dala barak bee sulin estraga, ou sisteme rede transmisaun no distribuisaun ne’ebe hadia hela ou precisa halo manutensaun husi BTL, ou bele mos aumenta densidade populacional iha area ne’ebe ita hela ba. Ho razaun hirak ne’e nak atu garantia kliente hotu hetan be’e, BTL tenke distribui la tuir oras ou dia sim dia nao. Maibe BTL sei aranja solusaun atu kliente hotu hetan bee ho oras barak no presaun naton.
Tamba sa bee presaun kik los? Tamba sa bee presaun kik los? Bee presaun kik, dalabarak kauza husi ligasaun ilegal ne’ebe halo husi ema deskonhecidu sira liuliu liga direta ba linha transmisaun, nune’e impede bee lakon presaun no ikus mai kliente barak hetan bee ho presaun kik. Ou bele mos ami nia ekipa tekniku sira halo melloramentu no manutensaun ba rede transmisaun no distribuisaun beemos, situasaun hanesan dalabarak ami fo sai iha ami nia media social pagina Facebook atu kliente hotu bele hatene razaun husi bee ne’ebe presaun kik.
Hau rona katak bee iha aldeia visinu nian bee sai makas los, tan ne'e hau husu kolega atu dada husi ne'eba, bele ka lae? Hau rona katak bee iha aldeia visinu nian bee sai makas los, tan ne'e hau husu kolega atu dada husi ne'eba, bele ka lae? LABELE. Tuir Decreito Lei N°. 4/2004 de 11 de Fevereiro so funcionario BTL mak bele halo ligasaun ba kada uma kain, liu husi rejistu iha balkaun no levantamentu dadus husi tekniku BTL hodi identifika se iha ligasaun existente ne’ebe bele liga bee ba kliente nia uma ka lae? No prosesa ona pagamentu ligasaun foun. Ita labele asesu bee, bele mos ita nia linha distribuisaun entupidu ou bee presaun kik ou ba maluk vizinho ne’ebe bee sai diak, dalaruma liga direta ba linha transmisaun. Ami sugere atu kliente hotu ne’ebe iha problema hanesan bele hakat ba balkaun atendimentu tuir municipio idak-idak no iha Dili (balkaun Caicoli) hodi bele hatoo keixa.

Qualidade Bee

Questions
Bee ne'ebé fornese seguru atu hemu? Bee ne'ebé fornese seguru atu hemu? SIM, bele uja hodi ba konsumu umano. Ami mos rekomenda atu kliente hotu nono lai ka filtru lai molok hemu, tamba linha distribuisaun kanu liu husi rai okos i kuak tuir dalan nomos ligasaun illegal sira bele mos fatoris seluk fo impaktu halo kontaminasaun. Bee nebe tratado ona bazea ba estandarde be mos nian, no halo analizasaun tuir estandarde saude nian ba bee drinkable ka aqua potable nian haktuir Decreto Lei 31/2020 de 26 de Agusto.
Dala hira maka teste kualidade bee nian? Dala hira maka teste kualidade bee nian? Teste qualidade bee BTL halo regularmente ba bee husi rai leten no Bee husi perfurasaun. Normalmente, bee husi rai leten ka ETA (Dili), halo kontrolasaun ba teste kualidade loron loron (loron 1 teste dala-3) no teste kada fulan ba sistena tomak inklui perfurasaun (Dili) sira.
Bee ne’ebe ami hemu ne’e teste iha ne’ebe? Bee ne’ebe ami hemu ne’e teste iha ne’ebe? Bee ne’ebe BTL distribui ba kliente sira nia teste iha Laboratorio Nacional BTL e nomos mini laboratoriu sira ne’ebe lokaliza iha kada estasaun tratamentu beemos (WTP).
Uainhira mak hau bele asesu fali bee moos depois de hapara distribuisaun tanba bee foer? Uainhira mak hau bele asesu fali bee moos depois de hapara distribuisaun tanba bee foer? Sei bele asesu fila fali wainhra ekipa Laboratoriu halo teste ba parametru fisiko, kimiko no bacteria. Wainhra kualidade tuir estandar ne’ebe mensiona iha Decreto Lei 31/2020 de 26 de Agusto mak ami foin bele distribui no rekomenda hodi konsumu.
Tanba ami nia bee mai hosi mota, ha'u tenke preokupa ho poluisaun iha ka iha mota laran? Tanba ami nia bee mai hosi mota, ha'u tenke preokupa ho poluisaun iha ka iha mota laran? Sim no lae. Departamentu Ambientál no kontrolu Kualidade trata no koko nia bee molok nia sai hosi ami nia planta sira, nune'e iha nesesidade uitoan de'it atu preokupa ho kontaminante sira hosi poluisaun iha ita-boot nia bee hemu. Maibé, ita-boot tenke kuidadu ho saida maka ita-boot husik atu la'o tuir valeta tempestade nian ne'ebé suli ba mota. Maski ita-boot la hetan kanek husi sira, ida-ne'e estraga ekosistema mota nian ne'ebé oioin no ikusmai bele afeta kualidade ita-nia bee nian.
Sé maka ha'u bele bolu se ha'u iha pergunta sira kona-ba kualidade bee nian? Sé maka ha'u bele bolu se ha'u iha pergunta sira kona-ba kualidade bee nian? Ita-boot bele bolu ami nia laboratóriu iha +67078442115/78012571/ 76390391/ no ami nia funsionáriu sira sei kontente atu ajuda ita-boot.

Jestaun Konta

Questions
Hau bele muda hau nia kontaktu no informasaun ne’ebe registu antes ona ba fali ema seluk (familiar ou ema ne’ebe kliente atu fan nia rai ka uma ou tersearius? Hau bele muda hau nia kontaktu no informasaun ne’ebe registu antes ona ba fali ema seluk (familiar ou ema ne’ebe kliente atu fan nia rai ka uma ou tersearius? SIM, ita bele. Bele hato ita nia keixa mai balkaun atendimentu tuir municipio idak-idak no iha Dili (balkaun Caicoli) atu bele renova ita nia informasaun liu husi prenxe formulariu ne’ebe prepara husi BTL. Molok halo renovasaun kliente rasik mak tenke mai, ou halo karta deklarasaun delega kompetensia ba ema ne’ebe ita fiar ou ema ne’ebe ita fan ona ita nia rai ka uma ba, no apresenta ho kartaun eleitoral/BI.
Renovasaun hau nia kontaktu no informasaun ne’e gratuita ka? Renovasaun hau nia kontaktu no informasaun ne’e gratuita ka? SIM, gratuita ka sei la aplika kustu ruma.

Konservasaun no Efisiénsia

Questions
Oinsá hau bele hamenus hau nia utilizasaun bee? Oinsá hau bele hamenus hau nia utilizasaun bee? Atu reduz ita nia gastu beemos, precisa hadia kanu ou pipa sira ne’ebe sai husi metru kontador ba ita nia uma laran; fo hanoin ba malu iha uma laran atu taka torneira sira kuando la uza; wainhira ema ruma laiha uma bele taka direta iha stop kram, otomatikamente metru kontador sei la lao.

Emerjénsia no Manutensaun

Questions
Saida maka hau tenke halo iha kazu emerjénsia relasiona ho bee? Saida maka hau tenke halo iha kazu emerjénsia relasiona ho bee? Kazu emerjénsia relasiona ho bee, hanesan vazamentu boot ka kanu nakfera, kontaktu kedas ami nia liña emerjénsia 8002000 durante oras servisu ka ita-boot bele hato’o ita-boot nia keixa ba balkaun servisu tuir munisípiu ida-idak no iha Dili (balkaun Caicoli ).
Oinsá hau bele relata vazamentu ka problema seluk iha hau nia bairru? Oinsá hau bele relata vazamentu ka problema seluk iha hau nia bairru? Ita-boot bele hato'o keixa ruma ka kestaun seluk liu husi liga kedas ba ami nia liña emerjénsia kliente nian 8002000 ka ita-boot bele hato'o ita-boot nia keixa ba iha balkaun servisu tuir munisípiu ida-idak no iha Dili (balkaun Caicoli).

Parceria