𝐃𝐢́𝐥𝐢, 𝐊𝐢𝐧𝐭𝐚-𝐟𝐞𝐢𝐫𝐚 𝟎𝟑 𝐒𝐞𝐭𝐞𝐦𝐛𝐫𝐮 𝟐𝟎𝟐𝟔
Prezidente Komisaun Ezekutiva (KE) BTL, E.P, Gustavo da Cruz, partisipa iha reuniaun dahuluk entre ekipa téknika interministeriál ligadu ho investimentu ou konstrusaun 𝐼𝑛𝑡𝑒𝑟𝑛𝑎𝑡𝑖𝑜𝑛𝑎𝑙 𝐶𝑜𝑛𝑣𝑒𝑛𝑡𝑖𝑜𝑛 𝐶𝑒𝑛𝑡𝑒𝑟 (ICC) nian ne’ebé lokaliza iha Portu Díli. Sorumutu ne’e realiza iha Gabinete Vise-Primeiru-Ministru, Faról, Díli.
Sorumutu téknika ne’e, lidera hosi Vise-Primeiru-Ministru, Ministru Koordenadór Asuntus Ekonómikus no Ministru Turizmu no Ambiente, Francisco Kalbuadi Lay, hodi koordena no atualiza progresu servisu ba planu konstrusaun ICC, hodi asegura implementasaun projetu ne’e tuir alvu no metas.
Perante enkontru, VPM aprezenta mos planu mestre no dezeñu detalladu finál ICC nian, inklui entrega mos dokumentu tékniku ba ADN hodi halo verifikasaun, molok hakat ba fase tuir mai.
Ekipa téknika hirak ne’e, kompostu hosi MOP, BTL, E.P, EDTL, APORTIL, I.P, ADN, I.P nomos entidade relevante sira seluk
Fahe ba Sosial Media:
