๐๐ขฬ๐ฅ๐ข, ๐๐ฎ๐๐ซ๐ญ๐-๐๐๐ข๐ซ๐ ๐๐ ๐๐ฎ๐ญ๐ฎ๐๐ซ๐ฎ ๐๐๐๐
Bee Timor-Leste, Empreza Públika (BTL, E.P) liuhosi Departamentu Rekursu Umanu, Diresaun Administrasaun no Finansas, realiza semináriu, kona-bá Partilla Koñesimentu (๐โ๐๐๐๐๐ ๐พ๐๐๐ค๐๐๐๐๐), ne’ebé realiza iha salaun João Paulo II, Comoro.
Semináriu ne'e, nudár oportunidade ba funsionáriu sira hodi bele partilla sira-nia koñesimentu téknika ne’ebé sira hetan, hafoin partisipa treinamentu/formasaun iha Japaun no Tailándia. Hosi koñesimentu no esperiénsia ne’ebé partilla hosi Jestór, Tékniku/a sira, sei kontribui ba dezenvolvimentu kapasidade traballadór sira nian, mellora prátika servisu no fortalese dezenvolvimentu organizasionál iha BTL, E.P.
Iha abertura Prezidente Komisaun Ezekutiva (KE) BTL, E.P, Gustavo da Cruz hatete, ohin nudár oportunidade di'ak ida tanba bele hasoru malu, hodi fahe esperiénsia ba malu iha área oin-oin, liu-liu kona-bá servisu operasaun no manutensaun nian nomos oinsá atu reduz non-revenue water, hadi’a jestaun ba apoiu kliente no seluk tan, nune’e wainhira fila bá bele implementa iha idak-idak nia diresaun, departamentu no munisípiu. No faze ida ne’e di’ak tebes ba preparasaun BTL, E.P nian, hodi jere investimentu sistema bee moos ne’ebé sei implementa iha kapitál munisipiu sira.
Iha biban ne’e, Ezekutivu BTL, E.P hato’o profunda agradesimentu ba JICA nia apoia, tanba bele permite treinamentu sira, tantu kurtu, médiu no longu prazu nian. Prezidente hatete, liuhosi kooperasaun servisu entre ho nasaun Japaun liuhosi parseiru JICA hosi inísiu ukun aan to’o ohin loron, sira nafatin iha kompromisu boot atu kontinua apoia povu no nasaun Timor-Leste, liu-liu iha setór bee no saneamentu.
Parte JICA mos enkoraja ba tékniku BTL, E.P nian katak, koñesimentu ne’ebé sira hetan, la’ós de’it atu aprende, maibé oinsá bele utiliza hodi mellora servisu sira iha empreza ne’e. JICA mos haksolok atu kontinua servisu hamutuk ho BTL, E.P, hodi hakbiit liu tan rekursu umanu no instituisaun ne’e, nune’e bele hasa’e kualidade no konfiabilidade servisu fornesimentu bee ba povu TL.
Nune’e mos, Vise-Prezidente KE BTL, E.P ba Asuntu Korporativu, Manuel Tomás Amaral de Carvalho, agradese kle’an ba parseiru JICA ne’ebé bele fasilita funsionáriu BTL, E.P nian, hodi eleva sira-nia koñesimentu iha área hirak ne’ebé sira haknaar-aan ba.
Vise-Prezidente KE BTL, E.P ba Asuntu Korporativu apresia tebes ba aprezentasaun sira no ida ne'e labele hela de’it ho aprezentasaun, maibé presiza iha onestidade atu tau iha prátika iha servisu fatin, tanba públiku rekere profisionalizmu no onestidade atu serbí liuhosi knaar loron-loron nian iha terrenu.
Vise-Prezidente KE BTL, E.P ba Asuntu Tékniku, José Filipe Ximenes Smith apresia tebes ba Jestór no tékniku/a sira-nia vontade no responsabilidade hodi halo aprezentasaun ne’ebé di’ak tebes ligadu ho rezultadu formasaun nian ne’ebé sira hala’o ona iha Japaun no Tailándia, nune’e husu ba tékniku/a sira atu mantein disiplina, vontade servisu, kooperasaun, haraik-aan no rona malu, nune’e bele lori BTL, E.P sai empreza ne’ebé exelente.
Vise-Prezidente ba Asuntu tékniku solisita ba kargu xefia sira, atu prepara akta aprezentasaun ne’e, elabora planu no ajusta mos rekomendasaun hirak ne’ebé sira hato’o, hodi aprezenta ba Ezekutivu BTL, E.P, nune’e atu haree, aprova no implementa, liu-liu oinsá bele aprezenta solusaun hodi rezolve problema ne’ebé setór ne’e enfrenta.
Atu konklui, Vise-Prezidente BTL, E.P hatete, BTL, E.P iha esperansa katak, parseiru JICA sei nafatin apoia BTL, E.P hodi dezenvolve ou kapasita liu tan funsionáriu sira-nia abilidade téknika liuhosi treinamentu sira ne’ebé mak oferese.
Durante semináriu ne’e, iha mos aprezentasaun kona-ná ๐ถ๐๐๐๐๐โ๐๐๐ ๐๐ฃ๐ ๐๐๐๐๐๐๐๐๐๐๐ ๐๐ ๐ค๐๐ก๐๐ ๐ ๐ข๐๐๐๐ฆ ๐ ๐ฆ๐ ๐ก๐๐: ๐๐๐ ๐๐ ๐๐๐๐๐๐๐ ๐๐๐ ๐๐๐ ๐๐๐ ๐๐ ๐ค๐๐ก๐๐ ๐ ๐ข๐๐๐๐ฆ ๐ ๐ฆ๐ ๐ก๐๐ (๐ด), ๐๐๐๐๐๐ก๐๐๐ ๐๐๐ ๐๐๐๐๐๐๐๐๐๐ก ๐๐ ๐ข๐๐๐๐ ๐ค๐๐ก๐๐ ๐ ๐ข๐๐๐๐ฆ ๐ ๐ฆ๐ ๐ก๐๐ (๐ค๐๐ก๐๐ ๐๐๐ ๐ก๐๐๐๐ข๐ก๐๐๐ ๐๐๐ ๐ ๐๐๐ฃ๐๐๐๐ ), ๐๐๐๐๐๐ก๐๐๐ ๐๐๐ ๐๐๐๐๐๐๐๐๐๐ก ๐๐ ๐ข๐๐๐๐ ๐ค๐๐ก๐๐ ๐ ๐ข๐๐๐๐ฆ ๐ ๐ฆ๐ ๐ก๐๐ (๐ค๐๐ก๐๐ ๐๐ข๐๐๐๐ก๐ฆ ๐๐๐ ๐๐ข๐๐๐๐๐๐๐ก๐๐๐), ๐๐๐ก๐๐ ๐๐ข๐๐๐๐ฆ ๐๐๐๐๐๐๐๐๐๐ก ๐๐๐ ๐ โ๐๐ค ๐ ๐๐๐ ๐๐๐๐ก๐๐๐ก๐๐๐, ๐๐๐-๐๐๐ฃ๐๐๐ข๐ ๐ค๐๐ก๐๐ ๐๐๐๐๐๐๐๐๐๐ก (๐๐๐๐๐๐๐ ๐๐๐๐ก๐๐๐) (๐ต), ๐๐๐๐๐๐ก๐๐๐ ๐๐๐ ๐๐๐๐ก๐๐๐๐๐๐๐, ๐๐๐๐๐๐๐ ๐ก๐๐๐ก๐๐๐ ๐๐๐ ๐๐๐๐๐๐๐๐๐๐ก ๐๐ ๐ค๐๐ก๐๐ ๐ ๐ข๐๐๐๐ฆ ๐ ๐๐๐ฃ๐๐๐ (๐ต) (๐ค๐๐ก๐๐ ๐๐๐ ๐ก๐๐๐๐ข๐ก๐๐๐ ๐๐๐ ๐ ๐๐๐ฃ๐๐๐), ๐๐๐ก๐๐ ๐๐ข๐๐๐๐๐๐๐ก๐๐๐ ๐๐๐ ๐ค๐๐ก๐๐ ๐ ๐ข๐๐๐๐ฆ ๐๐๐๐๐๐๐๐๐๐ก ๐๐๐ ๐๐โ๐๐๐ฃ๐๐๐ ๐ค๐๐ก๐๐ ๐ ๐๐๐ข๐๐๐ก๐ฆ, ๐๐๐๐๐ก๐๐๐ ๐๐ ๐๐๐๐๐ฃ๐๐ก๐๐๐ ๐๐๐ ๐๐๐๐๐ก๐๐ ๐ก๐๐โ๐๐๐๐๐๐ฆ ๐๐๐ ๐ ๐ข๐ ๐ก๐๐๐๐๐๐๐ ๐ค๐๐ก๐๐ ๐๐๐๐๐๐๐๐๐๐ก (๐ต๐๐ก๐โ 2) nomos ๐&๐ ๐๐ ๐ข๐๐๐๐ ๐ค๐๐ก๐๐ ๐ ๐ข๐๐๐๐ฆ ๐ ๐ฆ๐ ๐ก๐๐ (๐ค๐๐ก๐๐ ๐๐ข๐๐๐๐ก๐ฆ & ๐๐ข๐๐๐๐๐๐๐ก๐๐๐) no kontinua diskusaun.
Rekorda katak, formasaun ne'e realiza liuhosi kooperasaun servisu entre BTL, E.P ho parseiru JICA iha Timor-Leste, liuhosi programa KCCP hodi bá partisipa iha Japaun no Tailándia.
Semináriu ne'e, partisipa hosi Ezekutivu BTL, E.P, parseiru JICA iha Timor-Leste, Diretór DOM, Diretór DEI, Diretór DAF, Jestór, Koordenadór, Koordenadora, Ofisiál no tékniku balun.
Fahe ba Sosial Media:
