𝐃𝐢́𝐥𝐢, 𝐓𝐞𝐫𝐬𝐚-𝐟𝐞𝐢𝐫𝐚 𝟐𝟎 𝐎𝐮𝐭𝐮𝐛𝐫𝐮 𝟐𝟎𝟐𝟔
Prezidente Komisaun Ezekutiva (KE) BTL, E.P, Gustavo da Cruz, partisipa iha Lansamentu Relatóriu Sumáriu Pobreza iha Timor-Leste (TL) tinan 2024 nian, ne’ebé realiza iha salaun enkontru Kay Rala Xanana Gusmão, Ministériu Finansas (MF), Aitarak-Laran, Díli.
Tuir rezultadu peskiza, taxa insidénsia pobreza nasionál iha TL tinan 2024 nian ho 37%. Rezultadu ne’e hatudu progresu signifikativu ba redusaun taxa ki’ak no hadi’a padraun moris nian.
Publikasaun relatóriu ne'e, atu fornese referénsia ofisiál no komún ba Governu, Parlamentu Nasionál, parseiru dezenvolvimentu, akadémika, sosiedade sivil no públiku tomak hodi kompreende progresu ne’ebé TL atinji ona, dezafiu ne’ebé kontinua ezjiste no asaun ne’ebé presiza atu foti ba futuru. liu-liu hodi prepara orsamentu no dezeña planu ne’ebé di’ak ba 𝑏𝑒𝑚 𝑒𝑠𝑡𝑎𝑟 povu nian.
Ba futuru, Governu Timor-Leste no Grupu Banku Munidál sei nafatin servisu hamutuk atu prepara avaliasaun komprensivu ida kona-bá kauza prinsipál hosi pobreza no tranforma dadus bazeia ba evidénsia nudár baze ba asaun prioridade hodi suporta atu aselera redusaun pobreza iha TL.
Partisipa lansamentu ne’e, Grupu Banku Mundiál, Embaixadór no Embaixadora sira, Ajénsia Autónoma, Prezidente Autoridade Munisípiu sira, Akademia, Sosiedade sivil no entidade relevante sira seluk.
Fahe ba Sosial Media:
