Baucau,20 Agostu 2026 – Prezidente Komisaun Ezekutiva (KE) BTL, E.P Gustavo Da Cruz no Vise-Prezidente Komisaun Ezekutiva (KE ) BTL, E.P ba Asuntu Tékniku, José Filipe Ximenes Smith no Vise-Prezidente Komisaun Ezekutiva (KE) BTL, E.P ba Asuntu Korporativu, Manuel Tomás Amaral de Carvalho akompaña hosi Jestór Distribuisaun no Kordenadóra BTL,E.P Baucau ho tekniku sira partisipa iha seremónia komemorasaun loron aniversariu Forsa Armada Libertasaun Nasional Timor Leste (FALINTIL) ba dala 51 ho tema “ Honra Martires Komprimisu ho Estabilidade no Dame.
Seremónia ne’e lidera hosi Prezidente Republika,nudar mós Komandante Supremu F.FDTL , José Ramos Horta,iha fatin istóriku foho Matebian Hun iha area suku Abo Postu-Administrativu Kelikai Munisipiu Baucau.
Iha dirskursu Prezidente Republika José Ramos Horta,husu ba Forsa Defeza Timor Leste ( F.FDTL )atu banati tuir saida mak Falintil sira halo hodi husik ba jerasaun foun atu iha Umilidade no responsabilidade hodi lori nasaun ne’e ba futuru ne’ebe diak ho valores ne'ebe iha.
Seremónia komemorasaun ne’e sai nudar momentu importante atu hato’o onra no homenagen ba martir sira hodi hametin espiritu Patrotismu Unidade Nasional no Estabilidade hodi kria Dame iha Timor -Leste.
Partisipa iha Seremónia ne’e Vise-Primeiru Ministru, Ministru Kordenadór ba Asuntu Ekonómiku no Ministru Turizmu no Ambiente Francisco Kalbuadi Lay no membru Governu ,inklui bainaka sira hosi militar Australia no Indonezia ho Autoridade Lokal nomos komunidade sira.
Fahe ba Sosial Media:
