𝐃𝐢́𝐥𝐢, 𝐒𝐞𝐠𝐮𝐧𝐝𝐚-𝐟𝐞𝐢𝐫𝐚 𝟐𝟒 𝐀𝐠𝐨𝐬𝐭𝐮 𝟐𝟎𝟐𝟔.
Prezidente Komisaun Ezekutiva (KE) BTL, E.P, Gustavo da Cruz, akompaña hosi Diretór DOM, Aleixo dos Santos, Jestór Produsaun, Mário Soares no Jestór DCQA, Hipólito Amaral, hala’o enkontru traballu (𝑡𝑟𝑎𝑏𝑎𝑙ℎ𝑜) ho ekipa peskiza hosi Institutu Nasionál Siénsia no Teknolojia (INCT, sigla portugés) ho nia parseria UNTL no Universidade Udayana Bali, Enkontru ne’e realiza iha sala reuniaun Ezekutivu, BTL, E.P sentrál Caicoli.
Sorumutu ohin, ekipa peskiza ne’e hakarak atu hetan informasaun kona-bá rekursu bee ne’ebé mak BTL, E.P utiliza ba konsumu públiku nian. No dadus hirak ne’e, bele apoia planu ba realizasaun projetu peskiza estratéjika iha área ekonomia verde ho títulu “𝐸𝑠𝑡𝑢𝑑𝑜 𝑝𝑎𝑟𝑎 𝑜 𝑑𝑒𝑠𝑒𝑛𝑣𝑜𝑙𝑣𝑖𝑚𝑒𝑛𝑡𝑜 𝑑𝑒 𝑚𝑜𝑑𝑒𝑙𝑜𝑠 𝑑𝑒 𝑖𝑟𝑟𝑖𝑔𝑎𝑐̧𝑎̃𝑜 𝑝𝑜𝑟 𝑐𝑎𝑑𝑎 𝑚𝑢𝑛𝑖𝑐𝑖́𝑝𝑖𝑜 𝑒𝑚 𝑇𝑖𝑚𝑜𝑟-𝐿𝑒𝑠𝑡𝑒”, ne’ebé sei hala’o hosi ekipa peskiza INCT ho nia parseria sira.
Perante enkontru ne’e, Prezidente informa katak, durante ne’e, BTL, E.P utiliza rekursu bee rai leten (sistema gravitasaun) no bee rai okos ou sistema perfurasaun, hodi fornese ba komunidade sira iha TL, maibé iha mos vantajen no desvantajen. Ezekutivu BTL, E.P solisita mos ba ekipa INCT atu bele asesu mos informasaun detalla no relatóriu sira ne’ebé mak publika ona iha website BTL, E.P nian, hein katak informasaun sira ne’e bele tulun ekipa hodi hala’o peskiza ho di’ak no susesu.
Fahe ba Sosial Media:
