Díli, 21/11/2022, Prezidente komisaun Ezekutiva BTL, E.P, Eng. Carlos Peloi dos Reis, enkontru ho ekipa Compact Development Team Timor-Leste (CDT-TL), ne’ebé hala’o iha edifísiu BTL, E.P, Caicoli.
Objetivu enkontru hosi Ekipa Compact Development Team Timor-Leste (CDT-TL) ho Prezidente K.E BTL, E.P ne’e, mak hodi atualiza kona-bá progresu sira hosi projetu kompaktu nian liu-liu kona-bá servisu balun ne’ebé governu Timor-Leste prepara hela hodi finaliza hanesan dokumentu Project Implementation Agreement (PIA), no Dekretu lei kriasaun ba Millennium Challenge Account (MCA).
Alende ne’e CDT-TL mos informa ba Prezidente K.E BTL, E.P kona-bá prosesu tenderizasaun ba dezeñu detalladu enjeñaria ba projetu Tratamentu Bee, Sanemanetu no Drenazen ne’ebé mak dadaun ne’e, la’o hela no lidera hosi MCC rasik.
Iha biban hanesan CDT-TL mos entrega Project Information Document (PID) hosi estudu viabilidade ba projetu Tratamentu Bee, Sanemanetu no Drenazen, ne’ebé prepara hosi MCC ba prezidente K.E BTL, E.P no CDT-TL mos husu parte BTL, E.P hodi submete PID ba Autoridade Nasionál Lisensiamentu Ambientál (ANLA).
Iha reuniaun ne’e, Prezidente k.E BTL, E.P, informa ba ekipa CDT-TL katak, sei submete dokumentu hirak ne’e, ba ANLA tuir pedidu ne’ebé iha.
Fahe ba Sosial Media:
