Díli, 08/02/2023, Prezidente Komisaun Ezekutiva (K.E) Bee Timor-Leste, Empreza Públika (BTL, E.P) Eng. Carlos Peloi dos Reis, akompaña hosi Diretór DOM enkontru ho ekipa Pelican Paradise, iha Prezidente nia knaar fatin, edifísiu sentrál BTL, E.P, Caicoli, Díli.
Objetivu hosi enkontru ne’e, mak parte Pelican Paradise mai hato’o sira nia pedidu kona-bá sistema bee, ne’ebé atu fasilita Pelican Paradise, hodi halo konstrusaun ba Otél Cinco Estrelas, ne’ebé sei implementa iha Tasi-Tolu, tanba ne’e Diretór-Ezekutviu Pelican Paradise ho ekipa mai ko’alia ho Prezidente KE BTL, E.P, hodi hatene klaru kona-bá sira nia pedidu refere, katak BTL, E.P bele fornese bee ba sira, hodi fasilita sira nia servisu konstrusaun iha terrenu.
Hafoin hato’o tiha pedidu ne’e ba BTL, E.P, Prezidente KE BTL, E.P tau iha konsiderasaun no sei orienta diresaun ne’ebé responsabiliza ba kanalizasaun bee, hodi atende ba pedidu refere, tanba investimentu ida ne’e, kontribui ba dezenvolvimentu nasaun nian no bele kontribui mos reseitas.
Alende ne’e, Ezelutivu BTL, E.P mos fó opsaun balun, hanesan bele utiliza sistema bee ne’ebé eziste iha Díli ou perfurasaun bee hosi Tibar ka bele uza tanke ne’ebé iha, tanba ne’e, iha tempu badak parte DOM sei konvoka reuniaun ho Tibar Bay Port no Pelican Paradise, hodi planea oins’a atu halo levantamentu dadus tékniku, hafoin sei halo análize, nune’e hodi bele fasilita bee ba sira ho di’ak.
Fahe ba Sosial Media:
