๐๐ขฬ๐ฅ๐ข, ๐๐ ๐
๐๐ฏ๐๐ซ๐๐ข๐ซ๐ฎ ๐๐๐๐. Hafoin sosializasaun, iha aldeia Becusse Centro, Kakeu-Laran no Klaak-Fuik, ohin, ekipa Bee Timor-Leste, Empreza Públika (BTL, E.P) hahú halo servisu melloramentu ba sistema kanalizasaun bee, iha área Becusse, suku Becora. No servisu refere, akompaña hosi Jestór Distribuisaun ho Enjeñeiru O&M inklui apoia mos hosi parte seguransa PNTL Eskuadra Cristo Rei & OPS no observa direta hosi Vise-Prezidente Komisaun Ezekutiva (KE) BTL, E.P ba Asuntu Tékniku, José Filipe Ximenes Smith.
Servisu melloramentu ohin iha terrenu, ekipa BTL, E.P instala liña distribuisaun ho medida 90mm, metru 50 (50m) nomos polipipe 63mm ho distánsia metru 200 (200m), iha bairo Becusse Rede Laran, aldeia Becusse Centro nomos desliga koneksaun bee ilegál hamutuk unidade 84, iha aldeia referida.
Hafoin instalasaun kanu distribuisaun, tékniku sira monta kedas torneira provizória ida iha Becusse Centro, hodi fasilita komunidade sira asesu, hodi servisu melloramentu iha fatin ne’e finaliza, mak foin bele halo ligsaun no montajen metru kontadór ba uma kain ida-idak.
Durante iha terrenu, Vise-Prezidente KE BTL, E.P ba Asuntu Tékniku husu ba abitante sira atu pasiénsia no asesu provizória bee hosi torneira públika ne’ebé ekipa instala ona, nune’e hodi servisu melloramentu ne’e to’o finaliza.
Aldende ne’e, tékniku sira mos halo pipe services kanu APC 150mm ba PE NOD 90mm no dop APC 150mm iha sede suku Becora nian.
No iha parte lorokraik, ekipa kontinua instala liña distribuisaun iha Becusse, parte semitériu Becusse oin, hodi prepara halo kanalizasaun bee ba aldeia Becusse Kraik.
Servisu melloramentu ne’e seidauk finaliza, tanba sei kobre aldeia tolu, hosi Becusse Centro, Becusse Kraik to’o iha aldeia Kakeu-Laran.
Fahe ba Sosial Media:
