D๐ขฬli,27/02/2026.Vise-Prezidente Komisaun Ezekutiva (KE)Bee Timor-Leste, Empreza Públika (BTL, E.P) ba Asuntu Tékniku, José Filipe Ximenes Smith,Vise-Prezidente (KE) BTL, E.P ba Asuntu Korporativu, Manuel Tomas Amaral de Carvalho,hamutuk ho Jestór DAK ho nia ekipa no, Ofisiál Legál BTL, E.P,halo sosializasaun ba komunidade sira hodi partilha informasaun kona-ba regulamentu ne’ebé abrigu iha Dekretu Lei no mós Diploma Ministeriál kona-bá tabela tarifária,proibisaun ba koneksaun ilegál,no kritéria atu sai kliente BTL, E.P nian.
Iha atividade sosializasaun ne’e, Ekipa Tekniku BTL, E.P partilha informasaun detalla kona-ba Dekretu Lei nú. 41/2020 loron 25 fulan Setembru ne’ebé ko’alia kona-bá “Kriasaun Bee Timor-Leste, Empreza Públika (BTL, E.P), Dekretu Lei nú. 4/2004 loron 11 fulan Fevereiru, kona-bá “Aprova Rejime Fornesimentu Bee ba Konsumu Públiku”, nune’e mos Diploma Ministeriál nú. 1/2004 loron 11 fulan Fevereiru ne’ebé ko’alia kona-bá “Tabela Tarifária” no ikus liu Diploma Ministeriál nú. 1/2009 loron 5 fulan Outubru, kona-bá “Fiskalizasaun Sistema Abastesimentu Bee”.
Objetivu husi sosializasaun ne’e oinsa bele partilha uluk informasaun kona-ba servisu BTL, E.P nian no regulamentu sira ne’ebé sita ona iha leten ba komunidade sira,hodi nune’sira bele entende ho diak,no mós kontinua husu sira-nia kolaborasaun no apoiu,antes tékniku sira tun ba halo servisu melloramentu sistema kanalizasaun bee,iha Aldeia ZERO TRES (3),iha Area Suku Fatuhada,Postu-Administrativu Dom Aleixo, Munisípiu Díli,iha Sesta semana ne’e.
Durante halo solsializasaun,Vise-Prezidente KE BTL,E.P ba Asuntu Tékniku hateten,antes ne’e BTL, E.P iha bee iha aldeia ne’e maibe sistema ne;e balun ema mak sobu rasik,nune’e presiza hadi’a.Tanba ne’e ohin, BTL, E.P mai partilla uluk regulamentu no kritéria sira no informa uluk ba lideransa komunitária no komunidade sira, hodi bele hetan apoia,wainhira tékniku sira tun mai halo servisu iha terrenu, labele iha intervensau ruma ou halo impedementu ba servisu tekniku BTL nian iha fatin ne’e hosi komunidade.
Iha fatin hanesan ,Vise-Prezidente (KE) BTL, E.P ba Asuntu Korporativu,preokupa ho partisipasaun komunidade nian iha atividade sosializasaun ne’e,tanba maioria komunidade sira la hola parte iha atividade sosializasaun ne’e tanba ne’e husu ba Autoridade Lokal no komunidade sira ne’ebe partisipa iha atividade sosializasaun ne’e atu kontinua fahe mós informasaun ne’e ba komunidade ne’ebe la partisipa iha atividade ne’e nune wanhira ekipa tekniku sira halo melloramentu sistema kanalizasaun bee iha aldeia ne’e labele halo inpedemntu tanba ekipa sei desmantela hotu koneksaun ilegál sira, hodi halo ligasaun foun nomos monta metru kontadór ba uma kain sira, nune’e komunidade sira bele uza bee ho diak.
Durante sosializasaun ne’e,iha komunidade uma kain ida mak hato’o nia preokupasaun,no rekomendasaun balun liga ho probleme bemos iha aldeia ne'e no BTL, E.P fó kedas resposta atu rezolve preokupasaun Komunidade nian ne’e iha tempu badak.
Partisipa iha atividade sosializasaun ne’e,Reprezentante Komandante Polisia Eskuadra Dom Aleixo,Polisia OPS,Lideransa Komunitária no komunide sira iha Aldeia ZERO TRES (3) Suku Fatuhada.
Fahe ba Sosial Media:
