D๐ขฬli,26/02/2026.Vise-Prezidente Komisaun Ezekutiva (KE)Bee Timor-Leste, Empreza Públika (BTL, E.P) ba Asuntu Tékniku, José Filipe Ximenes Smith,Vise-Prezidente (KE) BTL, E.P ba Asuntu Korporativu, Manuel Tomas Amaral de Carvalho no Diretór Operasaun no Manutensaun (DOM) Aleixo Dos Santo,hamutuk ho Jestór DAK ho nia ekipa no, Ofisiál Legál BTL, E.P,halo sosializasaun ba komunidade sira hodi fahe informasaun kona-ba regulamentu ne’ebé abrigu iha Dekretu Lei no mos Diploma Ministeriál kona-bá tabela tarifária,proibisaun ba koneksaun ilegál,no kritéria atu sai kliente BTL, E.P nian,
Iha atividade sosializasaun ne’e, Ekipa Tekniku BTL, E.P esplika informasaun detalla kona-ba Dekretu Lei nú. 41/2020 loron 25 fulan Setembru ne’ebé ko’alia kona-bá “Kriasaun Bee Timor-Leste, Empreza Públika (BTL, E.P), Dekretu Lei nú. 4/2004 loron 11 fulan Fevereiru, kona-bá “Aprova Rejime Fornesimentu Bee ba Konsumu Públiku”, nune’e mos Diploma Ministeriál nú. 1/2004 loron 11 fulan Fevereiru ne’ebé ko’alia kona-bá “Tabela Tarifária” no ikus liu Diploma Ministeriál nú. 1/2009 loron 5 fulan Outubru, kona-bá “Fiskalizasaun Sistema Abastesimentu Bee”.
Ekipa BTL.EP hala’o Atividade ne’e iha Aldeia Zero Sinku (5),iha Area Suku Fatuhada,Postu-Administrativu Dom Aleixo, Munisípiu Díli,Kinta Semana ne’e.
Objetivu husi sosializasaun ne’e oinsa mak bele fahe uluk informasaun kona-ba servisu BTL, E.P nian no regulamentu sira ne’ebé sita ona iha leten ba komunidade sira,hodi nune’sira bele entende ho diak.no mos kontinua husu sira-nia kolaborasaun no apoiu,antes tékniku sira tun ba halo servisu melloramentu sistema kanalizasaun bee,iha referida.
Iha okaziaun ne’e Vise-Prezidente KE BTL, E.P ba Asuntu Tékniku husu ba Autoridade Lokal no Polisia Komunitaria hamutuk ho komunidade sira,husu atu apoiu ekipa tékniku BTL,EP wanhira halo melloramentu sistema bee iha Aldeia ne’e no kontinua atu tau matan nafatin labele estraga fasilidade publiku ne’ebe BTL,E.P oferese iha fatin ne’e nune komunidade sira bele uza ba tempu naruk.
Alen de ne’e Vise-Prezidente (KE) BTL, E.P ba Asuntu Korporativu mos informa iha tempu badak ekipa tékniku BTL.E.P sei tun ba halo melloramentu sistema beemos ba komunidade sira iha Aldeia Zero Sinku (5),tanba ne’e husu ba komunidade sira atu ba registu iha Balkaun BTL EP Kaikoli nian nune ekipa tékniku sira kontinua dada bee ba komunidade to’o iha uma oin hodi monta hotu metru kontadór.
Iha sosializasaun ne’e, Autoridade Lokal no komunidade sira hato’o mós sira nia preokupasaun,rekomendasaun,no Sujestaun balun liga ho probleme bemos iha aldeia ne'e no BTL, E.P anota hela preokupasaun hirak ne’e no sei responde preokupasaun hirak ne’e ba tempu oin mai.
Partisipa iha atividade sosializasaun ne’e,Reprezentante Komandante Polisia Eskuadra Dom Aleixo,Polisia OPS,Lideransa Komunitária no komunide sira iha Aldeia Zero Sinku ( 5) Suku Area Suku Fatuhada.
Enkuantu Total uma kain iha Aldeia Zero Sinku (5) hamutuk 590 ho total Populasaun hamutuk 2.965,
Fahe ba Sosial Media:
