๐๐ขฬ๐ฅ๐ข, ๐๐ ๐
๐๐ฏ๐๐ซ๐๐ข๐ซ๐ฎ ๐๐๐๐. Prezidente Komisaun Ezekutiva (KE) Bee Timor-Leste, Empreza Públika (BTL, E.P), Gustavo da Cruz ho Diretór DEI ho ekipa, akompaña Sekretáriu Estadu Eletrisidade Bee no Saneamentu (SEEAS, sigla portugés), Santos Noronha monitoriza implementasaun projetu kanál drenajen D4, iha Porto Díli, liu segimentu datoluk no dahaat nian.
Atividade monitorizasaun ne’e, hodi observa direta projetu fíziku iha terrenu, nune’e bele garante kualidade projetu nomos atu hatene persentajen hosi obra ne’e rasik.
Bazeia ba rezultadu monitorizasaun nian, obra fíziku ba kanál drenajen D4 nian, atinji ona pursentu 30 (30%) no tuir kalendáriu implementasaun nian, projetu refere sei finaliza iha fulan outubru tinan 2026 ne’e.
Rekorda katak, implementasaun kanál drenajen D4 ne’e, hahú hosi portu Díli to’o iha área edifísiu Ministériu Justisa nian (kruzamentu Caicoli), ho distánsia pelu menus metru 400 (400m) ho nia finalidade mak atu prevene inundasaun iha parte sentrál kapitál Díli.
Fahe ba Sosial Media:
