𝐃𝐢́𝐥𝐢, 𝟏𝟔 𝐌𝐚𝐫𝐬𝐮 𝟐𝟎𝟐𝟔. Prezidente Komisaun Ezekutiva (KE) BTL, E.P, Gustavo da Cruz partisipa enkontru ho misaun ADB Timor-Leste nomos ADB iha diáspora via vídeo konferénsia, iha salaun enkontru ADB Timor-Leste (TL) Resident Mission, Colmera.
Reuniaun ne'e, hodi atualiza progresu implementasaun projetu bee moos ne’ebé finansia hosi fundu empréstimu hosi ADB. liu-liu deskute kona-bá prosedimentu balun ne’ebé ligadu ho projetu melloramentu sistema bee ba kapitál Munisípiu Lautém no Manufahi.
Alende ne’e, halo diskusaun mos kona-bá preparasaun ba Díli Oeste nian no 𝑔𝑟𝑎𝑛𝑡 millaun tolu ne’ebé kontrapartiva ba empréstimu ne’e, inklui destake mos kestaun 𝑟𝑒𝑠𝑒𝑡𝑡𝑙𝑒𝑚𝑒𝑛𝑡 nian. Jeralmente prosesu ba projetu sira la’o hela no diskusaun ohin, atu ajusta de’it, nune’e bele kompleta dokumentu projetu nian.
Perante diskusaun ne’e, aprezenta mos 𝑃𝑟𝑜𝑗𝑒𝑐𝑡 𝑀𝑎𝑛𝑎𝑔𝑒𝑟 foun ADB nian iha TL no reuniaun ne’e, partisipa mos hosi PMU 𝑊𝑎𝑡𝑆𝑎𝑛 no parte Ministériu Finansas (MF).
Fahe ba Sosial Media:
