Baucau,10 Agostu 2026 - Prezidente Komisaun Ezekutiva (KE) BTL, E.P, Gustavo da Cruz, akompaña hosi Jestór Distribuisaun ho ekipa hamutuk ho Vise-Ministro Insfraestrutura Sr, Julio Do Carmo Vice-Sefi Estadu Major Jeneral F.FDTL Calistro dos Santos “Coliati” ohin ba halo observasaun kona-ba progresu servisu ne’ebé ekipa konjunta kompostu hosi BTL,E.P , F. FDTL no IGE I.P hala'o iha fatin Seremónia 20 Agostu 2026 iha Foho Matebian Hun Suku Abo Postu Kelikai Munisipiu Baucau.
No tuir observasaun iha terenu dadaun ne’e ekipa tékniku BTL,E.P halo ona kanalizasaun bee ba tanke rezervatóriu, depois kontinua instala bee ba Haris Fatin,Dapur, no Fatin VIP inklui ba Fatin Móvel sira iha fatin Seremónia,hodi fasilita konvidadus sira ne’ebé partisipa iha eventu ne’e.
Alende ne’e ohin mós ekipa tékniku BTL,E.P instala tan filtru bee hemu iha fatin Seremónia ne’e hodi apoiu behemu ba konvidadus sira ne’ebé partisipa iha selebrasaun 20 Agostu tinan ne’e iha fatin referida. Ho nune kona-ba preparasaun beemos ba fatin Seremónia ne’e ,dadun ne’e konklui ona.
Enkuantu dadaun ne’e ekipa konjunta hahu prepara fatin ba Airin Bandeira Nasional nian iha fatin Seremónia ne’e.
Fahe ba Sosial Media:
