Díli, 22/08/2025, Prezidente Komisaun Ezekutiva, Bee Timor-Leste, Empreza Públika (BTL, E.P), Sr. Gustavo da Cruz, akompaña hosi PMU MOP/BTL, E.P ho ekipa BTL, E.P, hodi hala’o enkontru kordenasaun ho Komandante Operasional PNTL, hodi kordenasaun servisu liga ho projetu D4, ne’ebé BTL, E.P sei implementa iha tempu badak, reuniaun ne’e, hala’o iha Komandu Jeral PNTL, Caicoli.
Iha enkontru ne’e, Prezidente Komisaun Ezekutiva, BTL, E.P informa, audensia ida ne’e, atu halo kordenasaun servisu, kona-bá projetu D4, ne’ebé maka implementa sei hamosu engrafamentu iha dalan protokolu sira, tan ne’e, husu apoia ba PNTL, atu servisu hamutuk, hodi asegura movimentasaun, durante obra ne’e la’o iha terrenu.
Komandante Operasional, Polisia Nasionál Timor-Leste (PNTL) hatete, sei apoia maxímu servisu hamutuk ho BTL, E.P, atu asegura no garante ba implementasaun konstrusaun drenajen la’o iha terrenu no mos organiza transporte públiku no privada sira, hodi la’o tuir dalan alternativu sira, nune’e servisu la’o baze labele hamosu engrafamentu iha iha estrada públiku.
Fahe ba Sosial Media:
