Baucau, 03 Agostu 2026 - Prezidente Komisaun Ezekutiva (KE) BTL, E.P, Gustavo da Cruz, akompaña hosi Jestór DOM ho ekipa hamutuk ho Vise Ministro Insfraestrutura Sr, Julio Do Carmo Prezidente Komisaun Ezekutiva Servisu Corporativu Eletrisidade de Timor-Leste Empreza Públika (EDTL E.P), IGE, Instituisaun Forsa Defeza de Timor-Leste (F-FDTL) no Vise-Prezidente Consellu Combatentes Libertasaun Nasional (CCLN) Autoridade Munisípiu Baucau halo observasaun Fatin ba Selebrasaun Loron Nasionál 20 de Agostu tinan 1975, Loron Istóriku Falintil,hodi prepara Instala beemos iha fatin seremónia ne'ebé sei realiza iha Loron 20 de Agostu tinan 2026, iha Área Matebian, Postu Administrativu Kelikai, Munisípiu Baucau.
Iha observasaun ne’e Prezidente Komisaun Ezekutiva (KE) BTL, E.P,orienta ba Jestór DOM no tekniku sira atu hare no identifika fatin ba instalasaun tanki bee nian iha fatin seremónia ne’e hodi fasilita beemos ba komunidade no komvidadus sira ne’ebe partisipa iha seremónia selebrasaun ba Loron Falintil tinan ne'e.
Iha biban ne'e Prezidente Komisaun Ezekutiva (KE) BTL, E.P, akompaña Vice-Ministro Insfraestrutura partisipa mós iha Seremónia Kulturál tuir tradisaun Kelikai nian, hodi fó matak malirin ba ema hotu, nu'udar sentidu preparasaun ba seremómia Loron Faliltil 20 de Agostu tinan ne’e.
Dadaun ne’e IGE I.P servisu hamutuk ho Instituisaun Forsa Defeza de Timor-Leste (F-FDTL) uza makina pesadu hahu kee no ateru ona ba fatin seremónia iha fatin referida.
Fahe ba Sosial Media:
