Aileu ,31 Jullu 2026 -Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P) ba Asuntu Tékniku, José Filipe Ximenes Smith no Vise-Prezidente (KE) BTL, E.P ba Asuntu Korporativu, Manuel Tomas Amaral de Carvalho hamutuk ho Diretór Operasaun no Manutensaun (DOM) Aleixo Dos Santo,Jestór DAC ho Ofisiál Legál BTL, E.P, no akompaña hosi kordenadór BTL,E.P Aileu ho ekipa halo sosializasaun ba komunidade sira hodi fahe informasaun kona-ba regulamentu ne’ebé abrigu iha Dekretu Lei no mós Diploma Ministeriál kona-bá tabela tarifária,proibisaun ba koneksaun ilegál,no kritéria atu sai kliente BTL, E.P nian.
Iha atividade sosializasaun ne’e,e ekipa tékniku BTL, E.P partilha informasaun detalla kona-ba Dekretu Lei nú. 41/2020 loron 25 fulan Setembru ne’ebé ko’alia kona-bá “Kriasaun Bee Timor-Leste, Empreza Públika (BTL, E.P), Dekretu Lei nú. 4/2004 loron 11 fulan Fevereiru, kona-bá “Aprova Rejime Fornesimentu Bee ba Konsumu Públiku”, nune’e mos Diploma Ministeriál nú. 1/2004 loron 11 fulan Fevereiru ne’ebé ko’alia kona-bá “Tabela Tarifária” no ikus liu Diploma Ministeriál nú. 1/2009 loron 5 fulan Outubru, kona-bá “Fiskalizasaun Sistema Abastesimentu Bee”.
Objetivu husi sosializasaun ne’e oinsa bele partilha uluk informasaun kona-ba servisu BTL, E.P nian no regulamentu sira ne’ebé sita ona iha leten ba komunidade sira,hodi nune’sira bele entende ho diak,no mós kontinua husu sira-nia kolaborasaun no apoiu,antes tékniku sira tun ba halo servisu melloramentu sistema kanalizasaun bee,iha Aldeia Hularema area Suku Seloi Malere Postu-Administrativu Aileu vila ,Munisípiu Aileu, Sesta semana ne’e.
Durante halo solsializasaun,Vise-Prezidente KE BTL,E.P ba Asuntu Tékniku husu ba Autoridade komunitaria no komunidade suku Seloi Malere atu tau matan bematan sira ne’ebe iha ona hodi kuidade no husu atu hato’o mós pedidu ba diresaun Floresta atu servisu hamutuk hodi organiza komunidade sira hodi kuda ai iha fatin bematan sira iha area suku Seloi Malere hodi asegura bee iha rai okos..
Alen de ne’e Vise-Prezidente KE BTL,E.P ba Asuntu Tékniku reforsa presensa BTL, E.P iha suku Seloi Malere ne’e atu partilla uluk regulamentu no kritéria sira no informa uluk ba lideransa komunitária polisia no komunidade sira, hodi bele hetan apoia,wainhira tékniku sira tun halo servisu iha terrenu, labele iha intervensau ruma ou halo impedementu ba servisu tékniku BTL nian iha fatin ne’e hosi komunidade.
Iha okaziaun ne’e mós Vise-Prezidente (KE) BTL, E.P ba Asuntu Korporativu informa sei orienta ba ekipa tekniku BTL,E.P Aileu atu hasai hotu ligasaun illegal sira hodi tau ligasaun foun no monta mós metru kontadór iha konsumidór sira nia uma oin nune komunidade iha aldeia Hularema ne’e bele asesu bee ho diak hodi kontribui reseitas ba estadu. Maibe ezekutivu ne’e husu ba komsumidór sira banhira asesu ona bee,bandu atu labele uza sanyo dada bee hodi fó impaktu ba komsumidór sira seluk la hetan bee ho diak.
Durante sosializasaun ne’e komunidade sira hato’o mós sira nia preokupasaun,no rekomendasaun balun kona-ba probleme bemos iha aldeia ne'e no BTL, E.P fó kedas resposta kona-ba preokupasaun hirak ne’e.
Partisipa iha atividade sosializasaun ne’e,Reprezentante Prezidente Autoridade Munisipiu Aileu ne’ebe reprezenta hosi Sekretariu Munisipiu Aileu ba Asuntu Sosial no Organizasaun no Reprezentante Administradór Postu Aileu Vila Lideransa Komunitária,Komunide sira iha Suku Seloi Malere.
Enkuantu Total komunidade hamutuk uma kain 244 ho total populasaun hamutuk 956 mak sei hetan sistema beemos hosi BTL,E.P.
Fahe ba Sosial Media:
