Díli, 08/08/2022. Prezidente Komisaun Ezekutiva (K.E) Bee Timor-Leste, Empreza Públika (BTL, E.P), Eng. Carlos Peloi dos Reis, akompaña mós hosi diretór Diresaun Enjeñaria no Investimentu (D.E.I) no Ofisiál Diresaun Operasionál no Manutensaun (D.O.M) hala’o vizita ba projetu melloramentu sistema bee moos, iha área Tohumeta.
Iha vizita ne’e, akompaña direita hosi ekipa Engineers Without Borders (EWB), PARTISIPA/DFAT hodi haree besik liu, kona-bá progresu servisu ba melloramentu sistema bee moos, iha terrenu.
Projetu melloramentu sistema bee moos ne’e, kompañia RMS mak nu’udár implementadór tuir planu, melloramentu ba sistema bee moos ne’e, iha sesaun dahuluk to’o daruak nian, sei fianaliza iha fulan oin.
Orsamentu ba Melloramentu Projetu refere, hamutuk Dollar Australianu millaun 2, ne’ebé maka apoia hosi Governu Austrália.
Fahe ba Sosial Media:
