Díli, 03/10/2022, Ministru Prezidensia Konsellu Ministru, Ministru edukasaun Joventude no Desportu, Vise-Ministru Finansas, Prezidente K.E BTL, E.P no Diretór CDT-TL, partisipa iha reuniaun plenaria ordinária, iha Parlamentu Nasionál, hodi kontinua debate ba proposta rezolusaun ba ratifikasaun akordu kompaktu millennium challenge corporation.
Paktu koperasaun ne’e, governu timor-leste asina ona akordu Ajénsia ho Millennium Challenge Corporation, iha loron 19 fullan jullu tinan 2022.
Ajénsia Millennium Challenge Corporation, sei fo apoia ho orsamentu gratuita dolár amerikanu millaun 420, nune’e mos governu timor-leste sei investe dolár amerikanu millaun 64, ne’ebé hamutuk dollar amerikanu millaun 484, sei dezenvolve ba setór rua importante sira hanesan, edukasaun no saneamentu, abastesimentu bee no drenagen, programa ne’e rasik sei implementa durante tinan lima ( 5 ).
Komponente bee, saneamentu no drenagen ne’e, ho objetivu atu hamenus kontaminasaun ba bee moos no bee iha rai-okos, hodi labele fo impkatu ba saúde públiku.
Hafoin iha diskusaun ne’e, Parlamentu Nasionál vota ba proposta rezolusaun ne’e, ho votu afavor 40, abstensaun 10 no kontra 0.
Fahe ba Sosial Media:
