๐๐ข๐ง๐๐ซ๐จ, ๐๐ ๐
๐๐ฏ๐๐ซ๐๐ข๐ซ๐ฎ ๐๐๐๐. Prezidente Komisaun Ezekutiva (KE) Bee Timor-Leste, Empreza Públika (BTL, E.P), Gustavo da Cruz, Vise-Prezidente KE BTL, E.P ba Asuntu Tékniku, José Filipe Ximenes Smith, Vise-Prezidente KE BTL, E.P ba Asuntu Korporativu, Manuel Tomas Amaral de Carvalho, hamutuk ho Diretór DEI, João da Cruz Cardoso, Koordenadór BTL, E.P Munisípiu Ainaro ho ekipa akompaña S.E Ministru Obras Públikas (MOP), Samuel Marçal no S.E Primeiru-Ministru (PM), Kay Rala Xanana Gusmão lansa projetu melloramentu sistema bee moos, iha suku Soro, Postu-adminitrativu Ainaro, Munisípiu Ainaro.
Projetu Melloramentu sistema bee moos iha suku Soro ne’e, implementa hosi kompañia Kolotapi Unipesoal Lda ho totál orsamentu U$ 595.228,04.
Rekursu bee hosi sistema ezistente sira debitu 3 L/s sistema gravitasaun no sistema bee moos ne’e sei kobre ba aldeia No-Ulo no Riamori área suku Soru Postu-administrativu Ainaro, Munisípiu Ainaro.
Instalasaun liña transmisaun ho distánsia kilómetru 6,3 no liña distribuisaun kilómetru 8,13 inklui sei nstalasaun mos tanke rezervatóriu 20m3 unidade ida, halo lutu protesaun 9×8m no tanke BPT 6 m Unidade ida inklui halo lutu 6×6m3. Alende ne’e, Supply no instalasaun tanke linear hamutuk unidade tolu, kompostu hosi 500m3 unidade ida, 266m3 unidade ida no 95m3 unidade ida.
Projetu melloramentu sistema bee moos ne'e iha futuru sei benefisia konsumidór uma kain 392 no totál populasaun 2.352.
Partisipa iha lansamentu ne’e autoridade lokál no komunidade sira iha suku Soro.
Fahe ba Sosial Media:
