Díli, 22/04/2024, Prezidente Komisaun Ezekutiva BTL, E.P, Eng. Carlos Peloi dos Reis, enkontru ho parseiru JICA iha Timor-Leste, reuniaun ne’e, hala’o iha salaun Ezekutivu BTL, E.P, Caicoli.
Iha enkontru ne’e, Parseiru JICA atualiza progresu servisu, liga ba projetu melloramentu sistema bee moos, iha Suku Manleuana, hodi fornese bee regular ba komunidade sira, ne’ebé hela iha Aldeia Lisbutak, Lemocari no Munudu Perdidu, ne’ebé pertense ba Suku Manleuana.
Iha sorumutu ne’e, parte rua sei kontinua servisu hamutuk, hametin liu tan relasaun no koperasaun di’ak, hodi dezenvolve nafatin iha setór bee no saneamentu ba populasaun husi nasionál too iha área rural.
Iha okaziaun ne’e, JICA mos informa katak, Sr. Naoki Takyo nia misaun servisu iha Timor-Leste, termina ona, hodi fila hikas ba Japaun.
Fahe ba Sosial Media:
