Ermera , 18 Setembru 2026 - Prezidente Komisaun Ezekutiva (KE) BTL, E.P, Gustavo da Cruz, hamutuk ho Vise-Prezidente KE BTL, E.P ba Asuntu Korporativu, Manuel Tomás Amaral de Carvalho , Diretór Enjeñeiru no Infraestrutura (DEI ), João da Cruz Cardoso ho ekipa tekniku sira akompaña Ministru Obras Públikas, Samuel Marçal halo Inaugurasaun projetu Melloramentu Sistema Fornesimentu Bee Moos iha postu-administrativu Atsabe,hodi nune’e bele hahú halo operasaun no distribuisaun bee ho regulár ba komunidade sira iha postu Atsabe Sesta semana ne’e.
Projetu Melloramentu Sistema Bee Moos implementa hosi kompañia Fortune Steel Unip Lda, enkuantu projetu pakote 𝑆𝑢𝑝𝑝𝑙𝑦 & 𝐼𝑛𝑠𝑡𝑎𝑙𝑙𝑎𝑡𝑖𝑜𝑛 𝑜𝑓 𝑃𝑟𝑒𝑓𝑎𝑏𝑟𝑖𝑐𝑎𝑡𝑒𝑑 𝐿𝑖𝑛𝑒𝑟𝑘 𝑇𝑎𝑛 ezekuta hosi kompañia Biamali, Unip Lda, no kompañia Tersanjung Unip Lda kaer obra konstrusaun tanke bee moos Ergina.
kompañia implementadór sira, finaliza ona servisu instalasaun kanu transmisaun, distribuisaun, pakote 𝑙𝑖𝑛𝑒𝑟𝑘 𝑡𝑎𝑛𝑘, tanke BPT no distribuisaun unidade 24 nomos ligasaun ba uma kain sira inklui montajen metru kontadór.
Depois de halo inaugurasaun sistema beemos ne’e ,Prezidente Komisaun Ezekutiva (KE) BTL, E.P, Gustavo da Cruz, hatudu mós mapamentu ba Ministru Obras Públikas no membru Governu sira kona-ba investimentu sistema bee moos ne’ebe, kobre ba suku haat, iha postu administrativu Atsabe, hanesan suku Parami, Laclo, Baboi Kraik no suku Malabe Villa hamutuk uma kain 569 ho populasaun hamutuk rihun 3 resin no sei fornese mos bee ba fasilidade públika sira iha Postu refere.
Iha serimónia Inagurasaun ne’e, hetan partisipasaun hosi membru Governu no Parlamentu Nasionál balun Diretór Jeral MOP ho reprezentante Prezidente Autoridade Munisípiu,Ermera Autoridade Postu , Lideransa Komunitária, komunidade ,estudante no entidade relevante sira seluk.
Fahe ba Sosial Media:
