Bobonaro, 19 Setembru 2026 - Prezidente Komisaun Ezekutiva (KE) BTL, E.P, Gustavo da Cruz, hamutuk ho Vise-Prezidente KE BTL, E.P ba Asuntu Korporativu, Manuel Tomás Amaral de Carvalho , Diretór Enjeñeiru no Infraestrutura (DEI ), João da Cruz Cardoso ho ekipa tekniku sira akompaña Ministru Obras Públikas, Samuel Marçal halo Inaugurasaun projetu Melloramentu Sistema Fornesimentu Bee Moos iha Postu-Administrativu Lolotoe hodi nune’e bele hahú halo operasaun no distribuisaun bee ho regulár ba komunidade sira iha Postu Lolotoe Sabadu semana ne’e.
Projetu fornesimentu sistema beemos iha Postu-Admistrativu Lolotoe Munisipiu Bobonaro ,Nudar komprimisu Governu liu hosi servisu BTL,E.P atu lori Dezenvolvimentu Insfraestrutura Bazika hakbesik ba populasaun no hadia kualidade moris.
Projetu Melloramentu Sistema Bee Moos iha Postu-Administrativu Lolotoe Munisipiu Bobonaro implementa hosi kompañia rua ,mak hanesan kompañia ARIES Unipesoal L,da halo konstrusaun tanke beemos no kompañia TANSOS Unipesoal L,da halo instalasaun kanu transmisaun, distribuisaun, no halo ligasaun ba uma kain sira inklui montajen metru kontadór.
Depois de halo inaugurasaun sistema beemos ne’e ,Prezidente Komisaun Ezekutiva (KE) BTL, E.P, Gustavo da Cruz,hatete, Governu liu hosi BTL,E.P sei kontinua nafatin atu implementa projetu fornesimentu sistema beemos iha kapital postu sira iha Munisipiu Bobonaro hodi fornese bee ba komunidade iha suku no aldeia sira inklui ba fasilidades públika sira .
Alen de ne’e Prezidente Komisaun Ezekutiva (KE) BTL, E.P, hato’o mós relatóriu badak liga ba Projetu Melloramentu Sistema Bee Moos ne’ebe BTL,E.P implementa iha Postu-Administrativu Lolotoe Munisipiu Bobonaro.
Ministru Obras Públikas, Samuel Marçal husu ba Autoridade Lokal no Komunidade sira atu tau matan ba fasilidades publiku sira ne’ebe governu oferese iha postu refere atu uza ho kuidadu nune fasilidade hirak ne’e bele uza ba tempu naruk.
Investimentu sistema bee moos ba komunidade iha Postu-Administrativu Lolotoe ne’e hamutuk uma kain 188 ho populasaun hamutuk 1,126 no sei fornese mós bee ba fasilidade públika sira iha Postu refere.
Iha serimónia Inagurasaun ne’e, hetan partisipasaun hosi membru Governu no Parlamentu Nasionál balun Diretór Jeral MOP ho Prezidente Autoridade Munisípiu,Bobonaro Autoridade Postu , Lideransa Komunitária, komunidade ,estudante no entidade relevante sira seluk.
Enkuantu dadaun ne’e Governu liu hosi BTL,E.P implementa ona projetu investimentu sistema bee moos ba kapital Postu-Administrativu hamutuk 33 no sei prepara orsamentu hodi kontinua implementa projetu investimentu beemos ne’e ba kapital Postu-Administrativu sira ne’ebe seidauk implenta nune iha tinan 2027 komunidade sira bele liberta ona husi beemos .
Fahe ba Sosial Media:
