Dili ,16 Setembru 2026 - Diretór Operasaun no Manutensaun (DOM) BTL,E.P.Aleixo Dos Santos Partisipa iha workshop konsultasaun finansiamentu biodiversidade (BIOFIN) durante loron tolu hahu iha kuarta to’o sesta semana ne’e iha Hotel JL Vila Aimutin Dili.
Durante loron tolu ne’e partisipante sira sei halo diskusaun kona-ba área temátika neen,mak hanesan Agrikultura, Agrobiodiversidade, Biosiguransa, bee, poluisaun, jestaun lixu, biodiversidade urbana, implementasaun munisipál, finansiamentu biodiversidade iha nivel lokal, finansas públikas, envolvimentu setór privadu no sistema monitórizasaun.
Alende ne’e,partisipante sira mós sei revê no hadi'a estimasaun kustu ba asaun relevante sira iha NBSAP to'o tinan 2030, diskute mekanizmu finansiamentu potensiál sira, no identifika rekursu no kondisaun nesesáriu atu apoia implementasaun. no rezultadu konsultasaun ne’e sei kontribui ba dezenvolvimentu Planu Finansiamentu Biodiversidade Timor-Leste.
Workshop ne’e organiza hosi Ministériu Finansas, ho asisténsia téknika hosi PNUD, konsultasaun hodi halibur reprezentante tékniku sira atu diskute nesesidade finansiamentu ba biodiversidade no solusaun finansiamentu potensiál sira hodi implementa Estratéjia no Planu Asaun Nasionál ba Biodiversidade (NBSAP) 2026–2030.
Fahe ba Sosial Media:
