Díli, 02/02/2023, Ekipa Task Force, servisu iha área Tasi-Tolu, kontinua solda kanu GS DN 200 mm, hodi kanaliza bee ba komunidade iha Terminal BTN 1, Uma Adat nia sorin no mos Maselidun.
Alende ne’e Ofisial O&M mos akompaña Jestór O&M hamutuk ho parseiru JICA hala’o survey ba sistema bee Mutudare no Nahaek, ne’ebé planu atu kanaliza kanu 4” no 6” husi BPT mai to’o iha Tanki Aitahan Belar.
Hafoin vizita iha mutudare, ekipa hamutuk ho tékniku operadór zona 5, kontrola bee husi Estasaun Tratamentu Bee iha Lahane, la’o normal tama iha Tanki Rezervatóriu, tamba ne’e garante nafatin fornesimentu bee moos ba komunidade sira.
Fahe ba Sosial Media:
