Díli, 06/10/2022, Diretór operasaun no manutensaun BTL, E.P, hamutuk ho ekipa hala’o enkontru ho Administradór Postu Administrativu Cristo Rei, Xefe Suku, Xefe Aldeia no komunidade balun, ne’ebé realiza iha edifísiu Administrasaun Postu Cristo Rei, Becora.
Objetivu husi enkontru ne’e, ekipa partilla informasaun ba autoridade sira no komunidade sira, atu bele iha koñesimentu no atu kolabora servisu, nune’e ekipa tékniku operadór sira tun ba terrenu, bele halo melloramentu sistema bee moos iha área Cristo Rei.
Diretór Operasaun no Manutensaun husu ba autoridade no komuniodade sira katak, importante mak servisu kopera malu, nune’e ami hanesan tékniku bele konsentra de’it ba servisu no garante laiha impedimentu ruma.
Iha fatin hanesan Administadór no Autoridade lokál hatete, parte autoridade prontu kolabora atu servisu hamutuk, tamba bee nu’udar nesesidade primaria, ba ema nia moris, tamba ne’e wainhira de’it ekipa tun baze ami sei akompaña, hodi bele mellora sistema hirak ne’e.
iha biban ne’e mos autoridade segurante informa, sei akonmpaña ekipa sira iha terrenu, hodi bele asegura nafatin, ekipa sira halo servisu.
Fahe ba Sosial Media:
