Díli, 08/08/2024. Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P), ba Asuntu Sistema Bee, Saneamentu no Drenajen, Sr. Gustavo da Cruz hamutuk ho ekipa BIR akompaña S.E Ministru Obras Públika (MOP), Sr. Samuel Marçal hodi monitoriza projetu estrada no drenajen ne’ebé paralelu ho sistema bee, iha área Aitarak-Laran, Díli.
Iha biban ne’e, simu mos orientasaun hosi S.E MOP liga ba kanu distribuisaun ne’ebé nakfera/ku’ak, hodi halo intervensaun imediatu, atu nune’e kompañia implementadór ba projetu alargamentu estrada no drenajen bele kontinua halo servisu no aselera projetu iha área refere.
Alen de ne'e, Vise-Prezidente KE BTL, E.P ba Asuntu Sistema Bee, Saneamentu no Drenajen informa no orienta kedas Jestór O&M ho ekipa hodi halo intervensaun ba kanu estragu ne’e, maibé seidauk finaliza, nune’e sei kontinua halo identifikasaun ba kanu distribuisaun, atu nune’e bele halo reparasaun.
Remata iha Aitarak-Laran, ekipa BIR akompaña S.E MOP kontinua halo monitorizasaun projetu konstrusaun estrada iha área Cristo Rei.
Fahe ba Sosial Media:
