Baucau, 08/01/2024, Relasiona ho kanu transmisaun no distribuisaun ne’ebé hetan estragu hosi kompañia Xineza ne’ebé ke’e rai durante halo servisu konstrusaun estrada ligasaun hosi munisípiu Baucau ba Viqueque nian, mak ohin, Koordenadora Bee Timor-Leste, Empreza Públika (BTL, E.P) munisípiu Baucau ho ekipa halo ona aproximasaun ho responsável kompañia Xineza ne’e, hodi koordena no husu sira nia responsabilidade ba kanu hirak ne’ebé sira halo tohar.
Durante aproximasaun entre parte rua (BTL, E.P no kompañia Xineza), kompañia ne’e koopera no iha ona konkordánsia katak sira prontu, atu hadi’a fila-fali kanu estragu hirak ne’e, iha tempu badak, atu nune’e bele normaliza hikas servisu distribuisaun bee ba abitante sira.
Enkuantu kanu transmisaun no distribuisaun ne’ebé kotu ne’e, perturba abastesimentu bee ba konsumidór uma kain 100-resin inklui fasilidade Estadu balun iha munisípiu Baucau labele asesu ba bee moos.
Fahe ba Sosial Media:
