๐๐ขฬ๐ฅ๐ข, ๐๐ ๐
๐๐ฏ๐๐ซ๐๐ข๐ซ๐ฎ ๐๐๐๐. Prezidente Komisaun Ezekutiva (KE) Bee Timor-Leste, Empreza Públika (BTL, E.P), Gustavo da Cruz akompaña hosi Vise-Prezidente KE BTL, E.P ba Asuntu Tékniku, José Filipe Ximenes Smith, Vise-Prezidente KE BTL, E.P ba Asuntu Korporativu, Manuel Tomas Amaral de Carvalho akompaña hosi Diretór DAF, DOM, DEI nomos Jestór, Jestora, Ofisiál no Auditora Interna BTL, E.P nian, hala’o enkontru ho Departamentu Legál BTL, E.P nian ho Parseiru Jurídiku CRA Timor. Reuniaun ne’e realiza iha salaun enkontru BTL, E.P sentrál, Caicoli.
Sorumutu ne’e, parte Legál BTL, E.P nian ho Parseiru Jurídiku CRA Timor halo aprezentasaun kona-bá Kódigu Aprovizionamentu no Kontratu Púliku ne’ebé abrigu iha (Dekretu-Lei nú.1/2025, de 8 de janeiro) no dekretu lei ne’e, tama iha vigór, iha loron 01 fulan janeiru tinan 2026.
Objetivu hosi aprezentasaun ne’e, atu esplika detalla Kódigu Aprovizionamentu foun ne’ebé vigora ona, iha inísiu tinan 2026 ne’e ba Ezekutivu no Kargu Xefia sira, atu nune’e bele entende didi’ak, hodi bele kumpri ou implementa tuir regras hirak ne’ebé sita ona iha dekretu lei refere, nune’e bele seguru iha prosesu aprovizionamentu hotu-hotu nomos bele garante transparénsia
Fahe ba Sosial Media:
