๐๐ขฬ๐ฅ๐ข, ๐๐ ๐
๐๐ฏ๐๐ซ๐๐ข๐ซ๐ฎ ๐๐๐๐. Prezidente Komisaun Ezekutiva (KE) Bee Timor-Leste, Empreza Públika (BTL, E.P), Gustavo da Cruz akompaña hosi Vise-Prezidente KE BTL, E.P ba Asuntu Tékniku, José Filipe Ximenes Smith, Vise-Prezidente KE BTL, E.P ba Asuntu Korporativu, Manuel Tomas Amaral de Carvalho hala’o enkontru ho Diretór DAF, DOM, Jestór RP & GIS, Jestór Produsaun, Jestór DCQA, Ofisiál O&M inklui tékniku nain haat, iha sala reuniaun Ezekutivu BTL, E.P, Caicoli.
Reuniaun ne’e, Diretór DAF no DOM ho ekipa aprezenta progresu instalasaun mákina produsaun bee minerál ou ๐บ๐๐๐๐ nomos ๐๐๐๐๐ ba bee ne’e inklui ekipamentu balun ne’ebé sei presiza atu kompleta. Aprezentasaun ne'e, hodi bele haree hamutuk no halo diskusaun.
Durante iha enkontru ne’e, Ezkutivu orienta atu aselera prosesu instalasaun ne’e no manutensaun ba planta desalinizasaun nomos asuntu seluk ne’ebé ligadu ho servisu DOM no DAF nian durante ne’e.
Alende ne’e, fó mos orientasaun ba DEI, oinsá atu prepara antesipadamente dezeñu ba armazén, tanba BTL, E.P hetan ona karta, atu muda armazén BTL, E.P nian. Nune’e mos atu haree no prepara planu oinsá atu bele halo reabilitasaun ba laboratóriu BTL, E.P nian.
Iha biban ne'e, Ezekutivu mos husu atu observa no akompaña servisu alargamentu estrada no sistema bee ne’ebé la’o hela iha kapitál Díli nomos iha munisípiu sira. Ho orientasaun hirak ne’e, Diretór ho ekipa anota no prontu atu asegura, hodi halo implementasaun
Fahe ba Sosial Media:
