Viqueque, 03/06/2024, Iha loron 28 fulan maiu tinan ne’e, enjeñeiru hosi Departmentu Infraestrutura, Diresaun Enjeñaria no Investimentu (DEI) Bee Timor-Leste, Empreza Públika (BTL, E.P) hamutuk ho Koordenadór BTL, E.P munisípiu Viqueque, Supervisor BTL, E.P ne’ebé destakadu iha Lacluta halo monitorizasaun ba projetu melloramentu sistema bee moos ne’ebé implementa hela iha postu-administrativu Lacluta, munisípiu Viqueque.
Monitorizasaun ne’e, hodi observa direta obra fíziku ne'ebé la'o hela iha terrenu no atu hatene progresu servisu ne'e rasik nomos hodi garante kualidade projetu refere, nune'e wainhira finaliza, bele fó benefísiu ba populasaun sira iha Lacluta to’o tempu naruk.
Hafoin observasaun obra fíziku iha terrenu, Enjeñeru DEI relata, bazeia ba rezultadu monitorizasaun nian, daudaun ne'e, projetu fíziku kona-bá melloramentu sistema bee moos iha postu Lacluta, atinji ona pursentu 48 (48%). No projetu refere ezekuta hosi kompañia Timorindo Unipessoal Lda, ho totál orsamentu ne'ebé gasta ba projetu $ 582,519.25.
Durante iha terrenu, ekipa BTL, E.P husu ba kompañia implementadór atu aselera lalais projetu refere, nune'e bele responde ba populasaun sira nia halerik kona-bá problema bee moos. Iha biban ne'e, lideransa komunitária ne'ebé akompaña mos iha atividade monitorizasaun ne'e, hato'o sira nia prontidaun hodi apoia no nafatin servisu hamutuk ho kompañia refere, nune'e bele finaliza lalais projetu ne'e.
Bazeia ba observasaun iha terrenu, kompañia implementadór, instala ona liña distribuisaun, nune'e mos 饾憪饾憸饾憻 ona tanke BPT3 no iha tempu badak sei 饾憪饾憸饾憻 tan tanke BPT1 no BPT2, nune'e mos instalasaun liña transmisaun hosi intake Surik-Lulik ba tanke rezervatóriu sira, koneksaun ba uma inklui sei monta tan metru kontadór ba uma kain.
Enkuantu projetu ne'e rasik, wainhira finaliza, sei fornese bee moos ba benefisiáriu uma kain 600-resin ho nia populasaun rihun-haat-resin nomos repartisaun Estadu sira iha postu-administrativu Lacluta.
Fahe ba Sosial Media:
