Díli, 09/05/2024, Prezidente Komisaun Ezekutiva BTL, E.P, Eng. Carlos Peloi dos Reis, Vise-Prezidente Komisaun Ezekutiva BTL, E.P, Gustavo da Cruz, akompaña Deiretór DEI BTL, E.P, Jestór RP/GIS BTL, E.P no Jestór Infraestrutura BTL, E.P, hala’o aprezentasaun ba mapamentu liu-liu drenajen iha kapitál Díli laran.
Hafoin halo aprezentasaun, S.E Ministru Obras Públikas, Samuel Marçal, Orienta ba ekipa Ministériu Obras Públikas no BTL, E.P, hodi forma ekipa ida, hodi bele halo servisu ba emerjensia sira liga ba Drenajen, hodi prevene tempu udan, ne’ebé hamosu bebeik inundasaun iha sidade Díli.
Kona-bá Drenajen iha Díli laran, BTL, E.P iha ona Dezeñu Detalladu, ne’ebé atu konstrui drenajen foun, rehabilita drenajen ezistente no konstrui mos Basia Retensaun iha Caicoli, hodi bele absolve bee, ne’ebé mai husi foho lolon sira.
Fahe ba Sosial Media:
