.jpeg)
Ataúro, 16 Outubru 2026 - Diretór Operasaun no Manutensaun BTL,E.P Aleixo Dos Santos, akompaña S.E. Ministru Komérsiu Industria hamutuk ho Prezidente Autoridade Administrativa Ataúro no komunidade Ataúro selebra loron mundiál Ai-Han ho Tema "Inovasaun Ohin Loron, Nutrisaun Loron Aban" ne'ebé realiza iha Suku Beloi, Postu Administrativa Ataúro.
Selebrasaun loron mundiál Ai-Han ba tinan ne'e ho kompetisaun kulinária Ai-Han lokál, ne'ebé kompete hosi grupu inan feton hamutuk sanulu resin sia. Kompetisaun kulinária ne'e, atu bele promove Ai-Han lokál Ataúro nian, hasa'e rendimentu ekonomia, promove illa Ataúro liuliu motiva komunidade sira hodi hasa'e produsaun ai-han ne'ebé saudavel no nutritivu.
Atividade ne'e implementa husi Ministeriu Komersiu no Industria,(MKI) ho objetivu atu promove no dezenvolve merkadu esportasaun, liuliu ba produtu lokál sira husi Ataúro, no hametin kooperasaun komérsiu entre illa sira iha área fronteira Timor-Leste no Indonézia.
Seremónia ne’e halo iha area suku Beloi Postu - Ataúro iha Sesta semana ne’e.
Durante seremónia ne’e parte Ministériu Komersiu Industria ( MKI) fahe mós sertifikadu ba manan nain sira ne’ebé tein produtu lokal ho diak.
Iha selebrasaun loron mundiál Ai-Han ne'e, partisipa mós hosi Diretór Jeral Ministériu Komersiu no Industria,(MKI) Reprezentante Ministériu Intérior,(MI) Ministériu Saude, (MS) Embaixadór India, Inklui bainaka mai husi Indonesia , Maluku Barat, (MB) , Nusa Tengara Timur (NTT), nomos entidades relevante sira seluk,
Fahe ba Sosial Media:
