Dili, 11 Novembru 2026 - Vise-Prezidente Komisaun Ezekutiv (KE) BTL, E.P ba Asuntu Tékniku, José Filipe Ximenes Smith akompaña husi Diretór DOM, no Legal Judisiariu BTL,E.P Partisipa iha Reuniaun hamutuk ho reprezentante Gabinete Sekretáriu Estadu ba Eletrisidade, Água no Saneamentu, (SEEAS) ho Diresaun Nasional ba Regulasaun Água no Saneamentu (DNRAS),nomos apoiu husi parseiru dezenvolvimentu PARTISIPA, hodi hahú halo prosesu diskusaun no elaborasaun esbosu alterasaun ba Dekretu-Lei n.º 4/2004, ne'ebé aprova rejime Distribuisaun Água ba konsumu públiku, Hodi bele kontinua no avansa prosesu revizaun lejizlasaun refere, ho objetivu atu aprezenta no diskute razaun ba revizaun, estrutura ekipa téknika, roteiru no mekanizmu prosesu alterasaun Dekretu-Lei n.º 4/2004.
Reuniaun ne’e organiza husi DNRAS iha salaun enkontru edifisiu DNRAS Kuarta semana ne’e.
Durante reuniaun ne’e halo introdusaun kona-ba aprezentasaun razaun ba revizaun Dekretu-Lei n.º 4/2004;no halo diskusaun nomos aprovasaun kona-ba termu referénsia (TOR) ba Ekipa Téknika Alterasaun.
Entretantu partisipasaun no kontribuisaun husi entidades relevante hotu-hotu sei sai parte importante atu asegura prosesu revizaun ne'e la'o ho koordenasaun, inkluzaun no konsiderasaun téknika no jurídika ne'ebé apropriadu.
Fahe ba Sosial Media: