Dili, 13 Novembru 2026 - Vise-Prezidente Komisaun Ezekutiva (KE) BTL, E.P ba Asuntu Tékniku, José Filipe Ximenes Smith akompaña husi Diretór Operasaun no Manutensaun (DOM) Jestór Distribuisaun , Jestór Produsaun no Kordenadór Armajen BTL,E.P hamutuk ho Diretór Departamentu Mekanika husi Fakuldade Enjeñaria Siensia no Teknolojia iha Universidade Nasional Timor Lorosa’e nomos Estudante estajiariu sira halo enkontru hodi halo enseramentu ba atividade estajiu professional ne’ebé termina ona iha BTL,E.P.
Durante iha enkontru ,Vise-Prezidente Komisaun Ezekutiva (KE) BTL, E.P ba Asuntu Tékniku, kontinua enkoraja ba estudante estajiariu sira atu nafatin hatudu disiplina banhira halo servisu iha koalker atividade nomos kontinua estuda no aprende buat ne’ebé mak hetan ona iha BTL,E.P atu kontinua dezenvolve hodi kontribui ba estadu timor leste.
Iha fatin hanesan , estudante estajiariu sira mós la haluhan fó agradese ba Vise-Prezidente Komisaun Ezekutiva (KE) BTL, E.P ba Asuntu Tékniku,Tanba bele simu estudante estajiariu hamutuk 9 kompostu husi feto 7 mane 2 hodi tuir estajiu propesional durante fulan 2 iha BTL,E.P.
Entretantu estudante estajiariu sira,hahu halo estajiu professional iha BTL,E.P ne’e iha loron 09 Fulan Setembru no termina iha fulan 09 Fulan Novembru tinan 2026 .
Fahe ba Sosial Media: