info@btl.tl 3311539

BTL,E.P halo inspesaun ba abitante sira ne’ebe uza bee ilegal no la selu tarifa bee iha Delta 4.

Dili ,06 Novembru 2026 - Vise-Prezidente Komisaun Ezekutiv (KE) BTL, E.P ba Asuntu Tékniku, José Filipe Ximenes Smith no Vise-Prezidente KE BTL, E.P ba Asuntu Korporativu, Manuel Tomás Amaral de Carvalho,hamutuk ho Diretór DOM, Jestór DAK, Jestór Distribuisaun no tékniku sira, akompaña hosi Autoridade Lokal halo inspesaun ba abitante sira ne'ebe sei uza bee ilegal no la selu tarifa beemos iha Delta 4.
prepara atu halo reinstala fila fali ligasaun beemoos foun ba uma kain sira, iha bairo ne’e,
 
Antes ne’e ekipa O&M BTL, E.P instala ona.kanu distribuisaun iha bairo referida maibe abitante sira kontinua uza bee ilegal tanba la kumpri hodi selu tarifa beemos,
Durante iha terrenu, Vise-Prezidente KE ba Asuntu Tékniku ho Vise-Prezidente KE BTL, E.P ba Asuntu Korporativu, ho ekipa, halo aproximasaun mós ho abitante sira, hodi husu informasaun kona-bá bee atuál ne’ebé sira asesu nomos enkoraja abitante sira atu ba halo rejista foun hodi nune ekipa tekniku sira halo instalasaun ba ligasaun foun.
 
Hafoin halo inspesaun iha fatin ne’e, ezekutivu BTL,E.P orienta kedas ba ekipa tékniku BTL, E.P liuhosi ekipa DAK balkaun móvel,nune iha tempu badak husu ekipa sira atu tun fila-fali ba terrenu, hodi atende komunidade sira ne’ebé atu rejista ba ligasaun foun nian nomos ba kliente tuan sira ne’ebé atu konfirma dadus, molok tékniku O&M nian tun bá halo reinstala fila fali kanalizasaun bee moos ba abitante iha fatin referida.
Iha biban ne’e Lideransa komunitaria ne’e, anota no sei kordena ho delegada sira, hodi prepara fatin no fó avizu ba komunidade sira atu bele bá rejista iha balkaun móvel.


Fahe ba Sosial Media: