info@btl.tl 3311539

BTL,E.P Partisipa iha Enkontru Aprezentasaun Final Kona-ba DED ba Konstrusaun Portu Peskas Foun.

Dili, 13 Novembru 2026 - Vise-Prezidente Komisaun Ezekutiva (KE) BTL, E.P ba Asuntu Tékniku, José Filipe Ximenes Smith akompaña husi Jestór RP&GIS partisipa iha enkontru kona-ba aprezentasaun Relatóriu Finál Revizaun no Finalizasaun Projetu 𝘋𝘦𝘵𝘢𝘪𝘭𝘦𝘥 𝘌𝘯𝘨𝘪𝘯𝘦𝘦𝘳𝘪𝘯𝘨 𝘋𝘦𝘴𝘪𝘨𝘯 (DED) ba konstrusaun Portu Peskas Foun iha Suku Wenunuk, Postu -Administrativu Metinaru, Munisípiu Díli.
Enkontru ne’e hala'o iha salaun Ministeriu Agrikultura Pekuaria Peska no Floresta (MAPPF) Comoro Dili Sesta semana ne’e.
 
Objetivu iha enkontru ne’e atu aprezenta rezultadu revizaun no finalizasaun ba projetu tékniku Dezenu Enjeñaria Detalhadu,( DED) ne'ebé sei sai hanesan dokumentu referénsia importante ba prosesu konstrusaun portu peskas foun iha Suku Wenunuk iha area Metinaro nian.
 
Iha enkontru ne'e, aprezentasaun relatóriu finál hala'o husi Salu Corporation Unipessoal, Lda,nu'udar entidade ne'ebé responsabiliza ba preparasaun no dezenvolvimentu projetu tékniku ba Dezenu Enjeñaria Detalhadu.
Konstrusaun portu peskas foun iha Suku Wenunuk espera bele kontribui ba hadi'a infraestrutura peskas, fasilita atividade pescadór sira no hametin dezenvolvimentu setór peskas iha Timor-Leste.
Enkontru ne’e hetan partisipasaun másimu hosi Dirijente sira hosi Diresaun Jerál Peskas, Konsultan Salu Corporation no entidades relevante sira.


Fahe ba Sosial Media: