𝐃𝐢́𝐥𝐢, 𝐊𝐮𝐚𝐫𝐭𝐚-𝐟𝐞𝐢𝐫𝐚 𝟑𝟎 𝐒𝐞𝐭𝐞𝐦𝐛𝐫𝐮 𝟐𝟎𝟐𝟔
Prezidente Komisaun Ezekutiva (KE) BTL, E.P, Gustavo da Cruz, hala'o enkontru ho misaun ida hosi Grupu Banku Mundiál, iha sala reuniaun Ezekutivu BTL, E.P sentrál, Caicoli.
Sorumutu ne’e, hodi informa kona-bá Grupu Banku Mundiál servisu hamutuk ho 𝑤𝑎𝑡𝑒𝑟 𝑢𝑡𝑖𝑙𝑖𝑡𝑦 iha Singapura, hodi fó kapasitasaun ba funsionáriu BTL, E.P nian, tantu nível Ezekutivu, Jerente nomos ba tékniku operadór sira. Área treinamentu ne’e, sei foka liu ba lideransa, finansas, dijitalizasaun, kestaun téknika nian no mudansa klimátika.
Perante sorumutu, Prezidente KE BTL, E.P apresia tanba informasaun ne’ebé pozitivu tebes ba BTL, E.P, atu bele prepara no hasa’e koñesimentu funsionáriu sira nian, hodi asume responsabilidade iha kestaun téknika, jestaun nomos iha lideransa nian, liu-liu atu haree kona-bá faze konstrusaun no pós-konstrusaun ba investimentu sistema bee moos iha kapitál munisípiu sira.
Ezekutivu BTL, E.P agradese tebes ba kolaborasaun no kooperasaun servisu ho parseiru Grupu Banku Mundiál, tanba bele nafatin apoia BTL, E.P liuhosi treinamentu valiozu ne’e.
Alen de ne’e, iha tempu besik, ekipa ne’e sei halo 𝑎𝑠𝑠𝑒𝑠𝑠𝑚𝑒𝑛𝑡, hodi prepara funsionáriu sira ne’ebé atu bele partisipa iha treinamentu refere no durasaun treinamentu ne’e, iha longu, médiu no kurtu prazu.
Fahe ba Sosial Media:
