Díli, 08/02/2024. Prezidente Komisaun Ezekutiva Bee Timor-Leste, Empreza Públika (BTL, E.P) Eng. Carlos Peloi dos Reis, akompaña hosi Jestór Interinu Departamentu Kontrolu Kualidade no Ambiente (DCQA, sigla portugés), atuál Jestór Legál, enkontru ho ekipa hosi parseiru JICA iha Timor-Leste no Espesialista hosi Japaun nian, iha sala reuniaun ezekutivu, Caicoli, Díli.
Enkontru ne’e, Espesialista Japaun hato'o relatóriu finál hafoin remata atividade treinamentu no asisténsia téknika ba ekipa DCQA BTL, E.P kona-bá prosesu tratamentu bee moos ba konsumu públiku nomos manutensaun regulár.
Durante sorumutu ne'e, espesialista hosi Japaun hato'o mos sujestaun tékniku ligadu ho servisu tratamentu bee moos nian, atu BTL, E.P liu-liu ekipa DCQA presiza toma nota no halo, durante prosesu tratamentu bee moos iha ETA sira.
Hafoin rona tiha relatóriu pareser tékniku hosi espesialista sira ne'e, Prezidente KE BTL, E.P reprezenta BTL, E.P apresia tebes ba espesialista Japaun nomos parseiru JICA iha TL, ba apoia tomak, tantu kapasitasaun ba rekursu umanu nomos servisu tékniku sira durante ne'e realiza ona no BTL, E.P anota sujestaun hirak ne'ebé hato'o hosi espesialista sira.
Enkuantu programa kapasitasaun ba ekipa DCQA ne'e, realiza durante semana rua, liuhosi kooperasaun servisu entre BTL, E.P no parseiru JICA iha TL.
Alende ne'e, ohin ekipa DCQA mos realiza seremónia despedida ho espesialista Japaun nian iha ETA Central, nune'e aban ekipa sei fila hikas ba Japaun.
Fahe ba Sosial Media:
