Díli, 25/10/2022, Prezidente Komisaun Ezekutiva BTL, E.P, partisipa iha serimónia asina akordu entre governu Timor-Leste ho Banku Dezenvolvimentu Aziátiku, kona-bá Díli West Water Supply Project, ne’ebé hala’o iha Auditóriu Kay Rala Xanana Gusmão, Ministériu Finansas.
Objetivu husi estabelesimentu akordu ne’e, atu mellora sistema bee moos, iha Díli West Water Supply Project, atu bele fasilita komunidade sira, hela iha área refere, nune’e mos garante bee ho kualidade to’o ba komunidade nia hela fatin, nune’e konsumidór sira, bele konsumu bee moos direita.
Tuir estimasaun katak, projetu konstrusaun rua iha Díli, parte Leste no Oeste, ne’ebé uma kain pursentu 79 (79%) mak sei asesu ba bee moos.
Serimónia Asinatura Akordu Empréstimu husi Banku Dezenvolvimentu Aziátiku ho montante millaun $127, ne’ebé sei halo melloramentu ba sistema bee moos iha parte Díli Oeste.
Fahe ba Sosial Media:
