Díli, 04/11/2022, Prezidente Komisaun Ezekutiva BTL, E.P, Eng. Carlos Peloi dos Reis, akompaña I Vise-Prezidente K.E BTL, E.P Sr. Gustavo da Cruz no Diretór Engeñaria no Envestimentu BTL, E.P, hala’o enkontru ho S.E Ministru Obras Públikas ho ekipa, ne’ebé realiza iha salaun Ministériu Obras Públikas, Caicoli.
Objetivu husi sorumutu ne’e mak BTL, E.P halo aprezentasaun kona-bá progresu servisu relasiona ho projetu ba longu prazu nian, iha setór bee no saneamentu, ne’ebé sei implementa iha Munisípiu sira hanesan Baucau, Viqueque, Manufahi, Lautém no Díli ne’e, iha ona faze Dezeñu Detallada, enkuantu iha munisípiu sira seluk iha hela faze Planu Mestre.
Hafoin aprezentasaun ne’e, S.E Ministru Obras Públikas, Abel Pires hatete, Ministériu sei nafatin apoiu BTL, E.P, tamba ne’e kontinua enkoraja BTL, E.P hodi halo servisu, nune’e bele responde komunidade sira nia preokupasaun, liu-liu kona-bá bee moos.
Fahe ba Sosial Media:
