Ainaro, 25/10/2022, Tékniku Operadór (T.O) Bee Timor-Leste, Empreza Públika (BTL, E.P) munisípiu Ainaro halo manutensaun ba poly ne’ebé nakfera no pipe GI iha área Zona 3, ne’ebé lokaliza aldeia Builico, postu-administrativu Ainaro, munisípiu Ainaro.
Tuir informasaun hosi terrenu katak, poly ne’ebé nakfera ne’e kauza hosi presaun bee ne’ebé makaas, nune’e hodi provoka poly nakfera, ho nune’e ekipa BTL, E.P Ainaro deside hodi troka fila-fali ho kanu besi, atu labele nakfera tan, hodi garante fornesimentu bee ba komunidade sira, iha fatin ne’e.
Alende atividade manutensaun, Tékniku Operadór ho Ofisiál Apoiu Kliente sira kontinua lee metru kontadór ne’ebé instala ona iha kliente sira nia hela fatin, iha fatin aldeia Builico, suku Ainaro.
Koordenadór BTL, E.P Ainaro informa, hafoin lee metru kontadór bee, ekipa BTL, E.P informa ba kliente sira atu bele selu tarifa bee. Hafoin hetan informasaun hosi ekipa BTL, E.P kona-bá presu bee, iha kliente balun selu kedas no balun bá selu iha balkaun edifísiu BTL, E.P nian.
Enkuantu taxa hirak ne’ebé kliente sira selu ba BTL, E.P ne’e, hodi hatama ba kofre Estadu nomos BTL, E.P utiliza hodi sustenta ba atividade manutensaun ba sistema bee moos, atu nune’e bele garante nafatin fornesimentu bee ba komunidade sira.
Fahe ba Sosial Media:
