Manatuto, 19/11/2024, Vise-Prezidente KE BTL, E.P ba Asuntu Tékniku, Sr. José Filipe Ximenes Smith, partisipa selebrasaun loron Mundiál Saneamentu, ne’ebé ba tinan ne’e “Tema Nasionál” Sintina ne’ebé dignu sai fatin hakmatek ba família”, atividade ne’e realiza iha Aldeia Tahagamo, Suku Lacomesak, Postu Administrativu Laclo.
Vise-Prezidente KE BTL, E.P ba Asuntu Tékniku, Sr. José Filipe Ximenes Smith hato’o parabens ba loron espesiál ida ne’e no agradese mos ba populasaun iha Aldeia Tahagamo, Suku Lacomesak, ne’eb’e bele hetan oportunidade liu hosi DNRAS, bele realiza ka komemora loron mundiál nasionál no internasionál iha fatin ida ne’e.
“ita boot sira imajina, loron ida ne’e la’os ita mesak maka selebra maibé nasaun iha mundu 163 mos selebra loron mundi’al ida ne’e, dala barak ita la selebra loron importante ida ne’e, maibé ita nia nasaun hetan ona Liberdade no nasaun independente, nune’e eventu ida ne’e persija selebra kada tinan”.
Ezekutivu ne’e afirma, wainhira koa’lia kona-bá saneamentu, ne’e la’os sintina de’it, maibé liga mos ba lixu, hakiak animal, ho nune’e atu proteje ida ne’e, persija iha bee moos, ne’ebé sufisiente, hodi bele utiliza ba nesesidade loron-loron.
Vise-Prezidente KE BTL, E.P ne’e mos agradese ba parte DNRAS, tamba prejensa iha komunidade sira iha Aldeia Tahagamo, konsege rezolve bee moos, ne’ebé tinan barak la funsiona, dadaun ne’e bee la’o normal fali ona, hodi fasilita komunidade sira utiliza ba nesesidade diariamente. Além de ne’e mos DNRAS konstrui Sintina (Toilet) bai nan faluk ida, ne’ebé hela pertense ba Aldeia Tahagamo, nune’e inan faluk ne’e bele utiliza ba nesesidade no mos bele asesu bee iha uma de’it.
Iha biban ne’e mos Vise-Prezidente KE BTL, E.P, ba Asuntu Tékniku, husu ba autoridade lokál no komunidade sira, ho inisiativa mobiliza rekursu, hodi halo identifikasaun ba rekursu bee matan sira, ne’ebé lokaliza iha Aldeia Tahagamo, persija halo konservasaun no prezerva liu hosi kuda ai-oan, hodi bele produz rekursu bee kontinua iha nafatin, hodi bele ajuda populasaun sira asesu bee.
Partisipa iha selebrasaun ne’e, Diretór Xefe Gabinete SEEAS, DNRAS, DNRE, Administradór Postu Administrativu Laclo, Veteranu, Autoridade lokál, Water, UNICEF, entidade oin-oin no mos partisipante sira seluk.
Fahe ba Sosial Media:
