Díli, 28/02/2024, Vise-Prezidente KE BTL, E.P ba Asuntu Boa Governasaun no Fortalesimentu Institusional, Elizabeth Amaral, akompaña husi Jestór Infraestrutura BTL, E.P, iha loraik ne’e, ba vizita ekipa tékniku operadór kompostu husi TO zona 4, zona 6-9, Task Force no Estajiáriu sira, kontinua halo servisu, hodi hadi’a sistema kanu distribuisaun, ne’ebé lokaliza iha Maloa Mota laran.
Ezekutivu ne’e, ba observa direita tékniku sira servisu iha terrenu, hodi solda hikas kanu distribuisaun, ne’ebé hetan estragu husi udan ho intesidade boot, iha loron hira liu ba.
Vise-Prezidente nia prezensa ne’e, enkoraja tékniku sira nia servisu, hodi bele finaliza lalais estragu refere, nune’e loron tuir mai bele distribui fila bee ba komunidade sira, hanesan babain.
Hafoin vizita iha Maloa, Vise-Prezidente KE BTL, E.P ba Asuntu Boa Governasaun no Fortalesimentu Institusional no Jestór Infraestrutrua BTL, E.P kontinua ba observa mos kompañia nasionál, ne’ebé hamos drenajen no sedimentasaun iha área Ai-Mutin ne’e, fo hanoin ba kompañia halo servisu bele asegura nafatin sistema liña distribuisaun bee moos.
Fahe ba Sosial Media:
