Díli, 16/02/2024, Vise-Prezidente Komisaun Ezekutiva BTL, E.P, Sra. Elizabeth Amaral, partisipa serimónia tomada de posse ba Prezidente no Membru Konsellu Administrasaun Institutu Nasionál Seguransa Sosiál (INSS), ne’ebé realiza iha Salaun Ministériu Solidariedade Sosial no Inkluzaun.
iha okaziaun ne’e, Primeiru Ministru, Kay Rala Xanana Gusmão, husu ba emposadu sira atu servisu ho responsavél o professional, hodi jere didi’ak osan povu nian, liu-liu tau matan ba ema kbiit laek sira.
“Povu terus tinan rua nulu resin haat nia laran no ukun an tinan rua nulu resin haat ona mos povu iha área remota sira, seidauk senti ukun an ida ne’e, tamba ne’e husu ba emposadu sira, ne’ebé simu pose atu bele hare ema kbiit laek sira no jere osan povu nian ho di’ak, hodi evita pratíka korrupsaun no má-jestaun iha Instituisaun ida ne’e”.
Estrutura INSS, ne’ebé simu pose maka hanesan, Arlindo Pinto, nu’udar Prezidente INSS, Dulce Natividade Fátima da Cunha no Solange de Fátima Borges, Responsavél ba Solidariedade Sosiál, Sansão Gomes, Reprezenta Empregador sira, Almério Vila Nova Gouveia Reprezentante Traballadór Timor-Leste.
Partisipa iha serimónia tomada de posse ne’e, Kaza Sivil Prezidensia Repúblika, Membru Parlamentu Nasionál, Membru Governu no Entidade sira seluk, mai husi instituisaun oin.
Fahe ba Sosial Media:
