Díli, 18/05/2024, Vise-Prezidente Komisaun Ezekutiva BTL, E.P, ba Asuntu Boa Governasaun no Fortalesimentu Institusional, Elizabeth Amaral, akompaña Diretór DEI BTL, E.P, Jestór Infraestrutura BTL, E.P no Engeñeru, hodi observa direita projetu melloramentu sistema bee moos, iha Ataúro.
Objetivu husi vizita ne’e, ezekutiva ne’e atu hare progresu servisu iha terrenu, liu-liu atu hatene projetu fizíku, ne’ebé la’o hela iha terrenu. Hafoin monitoriza ne’e fiar katak iha tempu besik, sei inaugura ofisiál, hodi fornese bee ba komunidade sira iha kapitál Ataúro.
Dadaun ne’e, iha faze konstrusaun ba Liner Tank, ne’ebé atu installa iha fatin tolu maka hanesan iha Biqueli, Beloi laiha problema no konstrusaun installasaun la’o hela. Enkuantu installasaun Tanke iha área Maumeta nian mak iha impedimentu, maibé ho prezensa Diretór DEI, BTL, E.P, Jestór Infraestrutura BTL, E.P Engeñeru BTL, E.P, hala’o reuniaun ho Administradór no Autoridade lokál sira, iha ona alternativu seluk, maka sei oferese foun fatin ida, maibé parte BTL, E.P sei halo analiza klean, nune’e iha tempu besik nia laran kompañia bele kontinus installa tanke refere.
Fahe ba Sosial Media:
