Manatuto, 17/06/2025, Vise-Prezidente Komisaun Ezekutiva, Bee Timor-Leste, Empreza Públika (BTL, E.P), Sr. José Filipe Ximenes Smith, akompaña S.E Sekretáriu Estadu Eletrisidade Bee no Saneamentu, Santos Noronha, hala’o enkontru ho Prezidente Autoridade Munisípiu Manatuto, ne’eb’e realiza iha sala Administrasaun Manatuto.
Iha enkontru ne’e, S.E Sekretáriu Estadu Eletrisidade Bee no Saneamentu, Santos Noronha hatete, parte autoridade halo kolaborasaun servisu di’ak ho setór bee no saneamentu, hodi dezenvolve ho di’ak, nune’e bele koresponde ba populasaun sira nia nesesidade loron-loron.
Wainhira iha área balun, ne’ebé komunidade seidauk asesu bee, autoridade mos bele halo proposta ba BTL, E.P, hodi bele tau matan ba kestaun hirak ne’e maka importante liu persija servisu hamutuk.
Iha fatin hanesan, Vise-Prezidente Komisaun Ezekutiva BTL, E.P hatete, BTL, E.P rekoñese populasaun barak sei halerik ba bee, iha territóriu nasionál. Maibé dadaun ne’e BTL, E.P servisu makaas, ne’ebé implementa projetu konstrusaun no melloramentu, iha kapitál postu administrativu no Munisípiu, ho libertasaun totalmente, hodi asesu ba bee moos ho regular.
Ezekutivu ne’e akresenta liu tan, atu halo mudansa ba setór bee no saneamentu, persija hotu-hotu nia kontribuisaun, servisu hamtuk halo kordenasaun di’ak, hodi fo rezultadu di’ak ba komunidade sira iha rai ida ne’e.
Fahe ba Sosial Media:
