Díli, 19/03/2025, Vise-Prezidente Komisaun Ezekutiva, Bee Timor-Leste, Empreza Públika, Sr. José Filipe Ximenes Smith, sai oradór ba semináriu loron mundiál bee, ho tema “Konserva Bee hodi Haburas Ekosistema” ne’ebé partilla informasaun relasiona ho ezisténsia BTL, E.P iha 2020 to’o 2025, BTL, E.P, atividade ne’e, realiza iha Salaun Cristal, Balide.
Iha ámbitu loron mundiál bee, Vise-Prezidente Komisaun Ezekutiva, Bee Timor-Leste, Empreza Públika, oradór prinsipal ne’e, fahe informasaun kona-bá servisu diariamente BTL, E.P nian no mudansa saida maka BTL, E.P halo ona intervensaun iha territóriu nasionál. Polítika BTL, E.P no planu maka promove projet konstrusaun no melloramentu sistema fornesimentu bee moos iha kapitál postu administrativu sira, ne’ebé fora hosi kapitál munisípiu, hosi esforsu hirak ne’e, Projetu iha postu balun, konsege inaugural ona hanesan iha Postu Administrativu Vemasse, Suku mehara, lokaliza iha Postu Tutuala, Cailaco no Maubara, sistema bee urbana ida ne’e, ho nia funsionamentu 24 oras.
“ BTL, E.P mos la taka dalan, hodi fo atensaun ba problema liga ba bee moos iha area rurais, tamba ne’e BTL, E.P mos promove projetu bee moos iha Suku bualale, lokaliza iha Postu Administrativu Quelicai, ne’ebé transoforma sistema Suku ba sistema Urbana, tamba ita hare hosi komunidade barak, balansu mos hanesan iha área Urbana, projetu fiziku kuaze finaliza ona, iha tempu badak atu halo inaugurasaun”.
Ho ezistensia BTL, E.P tinan 4 ne’e, enfrenta problema barak, tamba ho evolusaun no situasaun sosiál, ne’ebé akontese fatin-fatin, nune’e mos fator seluk maka hafoin hetan independénsia ne’e, populasaun halo movimentu iha fatin barak, hodi fo mos perturbasaun ba servisu bazika BTL, E.P nian rasik.
“Iha Dilí tamba saida ita infreta problema seidauk rezolve agora, tamba installasaun antigu sira, ne’ebé maka uluk iha tempu portugés, Indonezía no ukun an, maibé sistema hirak ne’e maioria feruzen no komunidade barak konstrui nia uma iha sistema kanalizasaun nia leten. Ne’e mos parte ida kontribui hodi prezudika atu dezenvolve problema bee moos iha kapitál Díli, BTL, E.P lolos la mai ho argumentu hanesan ne’e, maibé probolema realidade maka ne’e. Dala barak BTL, E.P atu halo melloramentu maibé situasaun sira ne’e prejudika hodi halo atendimentu ba komunidade sira”.
BTL, E.P rekoñese katak seidauk halo buat barak durante tinan haat, ne’ebé populasaun barak kontinua halerik bebeik ba bee moos, maibé ho ezisténsia BTL, E.P ne’e, hatudu progresu siknifikativu, ne’ebé komunidade balun mos kontente ho atendimentu hosi BTL, E.P, ne’ebé bele koresponde neneik, maibé bebeik sei bele responde ba preokupasaun komunidade nian, liga ba bee moos, iha loron tuir mai.
Ezekutivu BTL, E.P ne’e hato’o mensajen ba partisipante no komunidade sira katak, persija iha konsiensia rasik, hodi kontribui, oinsa bele kuidadu sistema kanaliza sira, ne’ebé governu liu hosi BTL, E.P installa, nune’e fasilidade sira ne’e bele dura ba tempu naruk. BTL, E.P dala barak halo aproximsaun ho autoridade lokál no komunidade sira, maibé dala ruma mos la kopera hamutuk, maibé halo ameasa no balun halo torturasaun hasoru ajente BTL, E.P rasik, tamba ne’e situasaun ida ne’e, tenki muda mentalidade ida ne’e, atu servisu hamutuk hodi hadi’a setór bee iha timor-leste.
Semináriu ne’e, organiza hosi PN-BESI, T.L, partisipa iha atividade ne’e, MOP, DNRAS, PERMATIL, Magnífiku Reitor Cristal, Estudante hosi UNTL, UNDIL, Cristal rasik no partisipante sira seluk.
Fahe ba Sosial Media:
